प्रतिनिधी: रोहित डवरी
कोल्हापूर: दिनांक 8 ऑक्टोंबर 2024 रोजी महाराणी लॉन ताराबाई पार्क येथे एम एम ग्रुप आयोजित रास दांडिया कार्यक्रम मोठ्या संख्येने व युवक युवतींच्या उदंड प्रतिसादाने पार पडला. या रास दांडियाचे नेटके नियोजन एम एम ग्रुप्स ने केले होते. या कार्यक्रमा वेळी विविध स्पर्धा घेण्यात आल्या होत्या. यामध्ये बेस्ट गरबा ग्रुप, बेस्ट कॉस्च्युम, बेस्ट डान्स, बेस्ट कपल, गरबा किंग व गरबा क्वीन असे विविध कॅटेगिरी मध्ये विजेते जजेस कडून फायनल करून त्यांना मान्यवरांच्या हस्ते पुरस्कार देण्यात आले.
या कार्यक्रमासाठी प्रमुख पाहुणे म्हणून सोशल मीडिया इन्फ्ल्यूंसर ओम वेसनेकर, आंतरराष्ट्रीय फोक डान्सर, मॉडेल्स त्याचबरोबर सेलिब्रिटी पाहुणेची उपस्थिती होती. या रास दांडिया साठी युवकांची मोठी गर्दी जमली होती. युवकांनी दांडियाच्या ठेक्यावर आपल्या नृत्य कौशल्याचा जलवा दाखवला आणि मनमुराद आनंद घेतला. त्याचबरोबर या कार्यक्रमाच्या ठिकाणी विविध खाद्यपदार्थांचे स्टॉलची व्यवस्था करण्यात आली होती. या व्यवस्थेमुळे लोकांना स्वादिष्ट खाद्यपदार्थांचा आस्वाद घेता आला.
या कार्यक्रमासाठी विशेष सहकार्य कै. राज सरकार आणि श्री राजवीर मुजावर, श्रीमती नुसरत राज मुजावर यांचे लाभले. त्याचबरोबर मीडिया पार्टनर म्हणून SP-9 मराठी एंटरटेनमेंट न्यूज चॅनल यांनी काम पाहिले. कार्यक्रमाचे प्रायोजक स्पाईस हे होते. त्याचबरोबर गिफ्टिंग पार्टनर म्हणून मनमंदिर होते.नवरास 2024 हा दांडिया कार्यक्रम युवक व युवतींच्या उपस्थितीमध्ये व उदंड प्रतिसादामध्ये संपन्न झाला. सर्व विजेत्यांना दिग्गज मान्यवरांच्या हस्ते गिफ्ट वाटण्यात आलेत. मोठ्या आनंदात व उत्साहत नवरास 2024 हा दांडिया चा कार्यक्रम संपन्न झाला..
