प्रतिनिधी जानवी घोगळे
बटुमी (जॉर्जिया), दि. २९ जुलै २०२५:*
जॉर्जियामधील बटुमी येथे पार पडलेल्या FIDE Women’s World Cup 2025 बुद्धिबळ स्पर्धेत भारताच्या दोन चमकत्या महिला खेळाडूंमध्ये अंतिम सामना रंगला. दिव्या देशमुख आणि कोनेरू हम्पी यांच्यात झालेला हा ऐतिहासिक सामना भारतीय बुद्धिबळ क्षेत्रासाठी एक सुवर्णक्षण ठरला आहे.
या अंतिम सामन्यात दिव्या देशमुख यांनी आघाडी घेत एकहाती विजय मिळवला आणि FIDE Women’s World Cup जिंकणाऱ्या पहिल्या भारतीय खेळाडू होण्याचा बहुमान पटकावला. त्यांच्या या यशामुळे केवळ ग्रँडमास्टर टायटल नव्हे, तर भारताच्या बुद्धिबळ विश्वातील नेतृत्वाचीही पुनःप्रतिष्ठा झाली आहे.
दिव्या देशमुख यांचं, त्यांच्या परिवाराचं आणि प्रशिक्षक मंडळींचं मनःपूर्वक अभिनंदन करण्यात येत आहे. त्यांच्या अथक मेहनतीला मिळालेलं हे फळ संपूर्ण देशासाठी अभिमानास्पद आहे.
दुसरीकडे, गेली अनेक वर्षे आंतरराष्ट्रीय स्तरावर भारताचं प्रतिनिधित्व करत आलेल्या कोनेरू हम्पी यांचं देखील या स्पर्धेतील योगदान लक्षणीय आहे. उपविजेतेपद जिंकून त्यांनी पुन्हा एकदा आपली प्रतिभा सिद्ध केली आहे.
या ऐतिहासिक क्षणी भारताने दोन महिला ग्रँडमास्टर देऊन जगभरात बुद्धिबळ क्षेत्रात आपली भक्कम उपस्थिती दाखवली आहे. दिव्या देशमुख आणि कोनेरू हम्पी या दोघींच्या कामगिरीमुळे देशवासीयांचा ऊर अभिमानाने भरून आला आहे.
