Today’s Daily Horoscope 28 December 2023: आज मार्गशीर्ष कृष्ण द्वितीया, चंद्र मिथुन राशीत भ्रमण करणार आहे. प्रत्येकाला वाटत असतं दिवसाची सुरुवात अतिशय चांगली व्हावी. ऑफिसमध्ये किंवा व्यवसाय स्थळी वातावरण सकारात्मक रहावे. आजच्या दिवशी तुमच्या बाबतीत काय काय घडणार आहे? किंवा तुमच्या नशिबात काय लिहीलं आहे? हे जाणून घेण्याची उत्सूकता तुम्हाला नक्कीच असेल. अनेक प्रश्न असतील मग जाणून घेवूया, मेष ते मीन राशीपर्यंत आजचे राशीभविष्य ज्योतिषी चिराग दारूवाला यांच्याकडून.
मेष राशीसाठी दिवस व्यस्त राहणार
आजच्या दिवस तुम्ही कामात व्यग्र राहाल. व्यवसायात लागू करायच्या नवीन योजनांमुळे तुम्ही कामात गढून जाल. कामात व्यग्र राहिल्यामुळे तुम्ही आज कुटुंबातील सदस्यांना जास्त वेळ देऊ शकणार नाही. वडिलांनी दिलेले एखादे कामही तुम्हाला टाळावे लागेल, पण तुम्ही असे करू नये, अन्यथा वडील तुमच्यावर नाराज होतील. जर वडील नाराज झाले असतील तर त्यांना समजवून सांगण्याचा प्रयत्न करा. परदेशात राहणाऱ्या एखाद्या नातेवाईकाबद्दल बातमी ऐकण्यास मिळू शकते. आजच्या दिवशी जर संपत्तीसंदर्भात एखादा व्यवहार करत असाल तर तुम्हाला फार काळजी घेतली पाहिजे, अन्यथा तुमची फसवणूक होऊ शकते. आज ८६ टक्के भाग्य तुमच्या बाजूने आहे. आजच्या दिवशी गुरूजन आणि ज्येष्ठांचे आशीर्वाद घ्या.
वृषभ राशी शत्रूचा पराभव करणार
आज तुम्हाला सरकार आणि सत्ताधारी यांची भरपूर मदत मिळेल. तुमच्या बुद्धीचा वापर करून शत्रूला नमवण्यात तुम्ही आज यशस्वी व्हाल. यामुळे शत्रू चिंतेत राहतील. पण तुमच्या मनातील एखादी गोष्ट शत्रूंसमोर उघड केली तर ते याचा फायदा उठवू शकतात, त्यामुळे या मुद्द्यावर आज काळजी घ्या. प्रेमजीवनात तुम्हाला आज नवी ऊर्जा मिळेल, जेणे करून तुमचे प्रेम अधिक दृढ बनेल. आज सायंकाळी कुटुबांतील सदस्यांसोबत धार्मिक कार्यक्रमात भाग घ्याल. आज ६६ टक्के भाग्य तुमच्या बाजूने आहे. आज पार्वतीमातेची पूजा करा.
मिथुन राशीला आर्थिक फायदा
आज तुम्हाला तुमच्या जीवनसाथीची पुरेपूर मदत आणि सानिध्य मिळेल. आज तुम्ही एखादी नवी संपत्ती खरेदी करू शकता, त्याचा तुम्हाला आर्थिक फायदा होईल. कुटुंबातील काही प्रलंबित कामे मार्गी लावण्यासाठी तुम्ही व्यस्त राहाल, ज्यामुळे तुम्हाला व्यवसायात लक्ष देता येणार, पण तुम्ही असे करू नका. असे झाले तर तुमचे काही महत्त्वाचे व्यवसायिक व्यवहार टळू शकतात, ज्यामुळे तुम्हाला नुकसान होईल. विद्यार्थ्यांना आज नातेवाईकाकडून भरपूर सहकार्य मिळेल. त्यामुळे शिक्षणासंबंधित अडचणी आज संपून जातील. आज ९८ टक्के भाग्य तुमच्या बाजूने आहे. आज गरजू लोकांना जेवण द्यावे.
कर्क राशीला व्यवसायात नफा
आजच्या दिवशी तुमच्या प्रसिद्धीत वाढ झाल्याचे तुम्हाला दिसेल. जर तुम्ही विचारपूर्वक एखादा व्यवसाय करत असाल तर तेथून तुम्हाला फार चांगला नफा मिळेल. शेअर बाजार, तसेच लॉटरीमध्ये पैसे लावणाऱ्यांसाठी आजचा दिवस चांगला असेल. आज तुमचे व्यवसायिक विरोधक सक्रिय असतील, पण तुम्ही बुद्धिचातुर्याने त्यांना पराजीत कराल. आज सायंकाळी तुम्ही कुटुंबीयांसमवेत धार्मिक कार्यात सहभागी व्हाल. आज ७७ टक्के भाग्य तुमच्या बाजूने असेल. आज संकटमोचक गणेश स्त्रोताचे पठण करा.
सिंह राशीने खर्चावर नियंत्रण ठेवावे
आजचा दिवस तुमच्यासाठी सामान्य जाईल. आज एखाद्या मित्राच्या आरोग्याच्या दृष्टीने तुम्ही अस्वस्थ असाल आणि त्यासाठी तुम्हाला काही पैशाची जुळणी करावी लागू शकते. आजच्या दिवशी आईवडिलांच्या सल्ल्याने तुम्ही नवीन व्यवसाय सुरू करू शकता, त्यात तुम्हाला यश येईल. आज घरच्या रंगरंगोटीमध्ये तुमचे पैसे खर्च होतील, पण तुम्हाला तुमचे उत्पन्न लक्षात घेऊन खर्च केला पाहिजे. तुमच्या मुलाला आवडीच्या कोर्ससाठी प्रवेश मिळाल्याने तुम्ही आनंदात असाल. आज ७३ टक्के भाग्य तुमच्या बाजूने असेल. आजच्या दिवशी गणपतीला दूर्वा अपर्ण करा.
कन्या राशीने तब्येत सांभाळावी
आजचा दिवस तुम्हाला मध्यम स्वरूपाचे फल देईल. तुमच्या घरात एखाद्या शुभकार्यानिमित्त पाहुण्याचे घरी आगमन होईल, त्यामुळे कुटुंबातील सदस्य आनंदात असतील. लहान मुले खेळात मग्न असतील. पण आजच्या दिवशी तुमच्या आईच्या प्रकृतीबद्दल तुम्ही दक्ष असले पाहिजे. बदलत्या हवामानामुळे त्या आजारी पडू शकतात, त्याबद्दल तुम्ही सावध राहावे. सरकारी नोकरीतील लोकांना आज आनंदाची बातमी मिळेल. बढती किंवा पगारवाढीच्या बातमीमुळे तुम्ही आनंदात असाल. परदेशात व्यापार करणाऱ्या लोकांना आज अतिशय चांगली बातमी मिळणार आहे. आज ६९ टक्के भाग्य तुमच्या बाजूने असेल. आजच्या दिवशी विष्णूची पूजा करावी.
तूळ राशीसाठी नोकरीच्या उत्तम संधी
आजच्या दिवशी नातेसंबंधात काही बदल दिसतील. जे लोक व्यापारात आहेत, त्यांनी घाईगडबडीत आज कोणताही निर्णय न घेता अत्यंत काळजीपूर्वक निर्णय घ्यावेत, तसे न झाल्यास भविष्यात पश्चातापाची वेळ येऊ शकते. जे लोक रोजगाराच्या शोधात आहेत, त्यांना अत्यंत चांगली बातमी मिळेल त्यामुळे त्यांच्या आनंदाला पारावार उरणार नाही. कुटुंबातील एखादा सदस्य विवाहयोग्य असेल तर त्यांना चांगेल प्रस्ताव येतील आणि कुटुंबीय यावर लगेचच शिक्कमोर्तब करतील, पण तुम्हाला तुमच्या भावाशी बोलावे लागेल आणि स्वतःच्या वाणीवर नियंत्रण ठेवावे लागेल. आज ६४ टक्के भाग्य तुमच्या बाजूने आहे. आजच्या दिवशी शिव चालिसाचे पठण करावे.
वृश्चिक राशीसाठी धनलाभाचा दिवस
आर्थिक दृष्टीने आजचा दिवस तुमच्यासाठी फार चांगला असणार आहे. आज तुम्ही व्यवसायात नवीन कामांचा शोध घ्याल आणि त्यातून स्वतःची आर्थिक स्थिती अधिक मजबूत कराल. जर तुम्ही कुणाला उधार पैसे दिले असतील आणि ते परत येण्याची शक्यता संपललेली असेल तर आज हे पैसे तुम्हाला मिळतील. त्यामुळे तुमची आर्थिकस्थिती मजबुत होईल. तुम्ही जोडीदाराला आज प्रवासाला घेऊन जाऊ शकता, पण अधिक पैसा खर्च होणार नाही, यासाठी तुम्ही दक्ष असले पाहिजे, अन्यथा भविष्यात तुमचे पैसे कमी होतील. लहान व्यापाऱ्यांना पैशाच्या कमतरेतमुळे आज थोड्या त्रासाला तोंड द्यावे लागेल. आज ७४ टक्के भाग्य तुमच्या बाजूने असेल. आजच्या दिवशी गरिबांना कपडे आणि अन्न दान करा.
धनू राशीने वादविवादापासून दूर रहावे
आज सामाजिक कार्यात तुमची रुची वाढेल. तसेच सामाजिक कार्यात असलेल्या लोकांना आज चांगली बातमी मिळू शकते, ज्यामुळे तुमचा मानसन्मान वाढू शकतो. दीर्घकाळापासून रखडलेले एखादे काम आज मार्गी लागू शकते, ज्यामुळे तुम्हाला आनंद होईल. तुमच्या कुटुंबातील एखाद्या सदस्याला आज काही अडचणींना तोंड द्यावे लागू शकते. आज कोणाशी वाद झाला तर तुम्हाला यापासून दूर राहिले पाहिजे, अन्यथा नंतर नात्यांत अंतर येऊ शकते. आज सायंकाळी मित्रांसोबत भटकंतीचे नियोजन करू शकता, पण एखादी गोष्ट हरवणार नाही याबद्दल दक्ष असले पाहिजे. आज ८१ टक्के भाग्य तुमच्या बाजूने आहे. आजच्या दिवशी गरजू व्यक्तीला तांदूळ दान करावेत.
मकर राशीचा मानसिक तणाव वाढेल
आज तुम्ही मुलांच्या बाबतीत चिंतेत राहाल. आज तुम्हाला मुलांच्या बाबतीत एखादी निराशजनक बातमी ऐकायला मिळू शकते. सायंकाळी आज तुम्ही मानसिक तणावातून जाल. विद्यार्थ्यांना त्यांच्या शिक्षणातील अडचणी दूर करण्याच्या कामी शिक्षकांकडून चांगले सहकार्य मिळले. जर एखाद्या आजाराने त्रस्त असाल तर डॉक्टरांचा सल्ला आवर्जून घ्या, अन्यथा भविष्यात हे तुमच्यासाठी त्रासदायक ठरू शकते. बहिणीच्या लग्नात जर काही अडचणी येत असतील तर आज एखाद्या व्यक्तीचा सल्ला घ्यावा. आज ८९ टक्के भाग्य तुमच्या बाजूने आहे. आजच्या दिवशी शिव जप माळेचे पठण लाभकारक राहील.
कुंभ राशीची रखडलेली कामे पूर्ण होणार
दीर्घकाळापासून रखडलेले एखादे काम आज पूर्ण झाल्याने तुमचा आत्मविश्वास आज वाढलेला असेल आणि तुम्हाला आज संतुष्ट वाटेल. जे लोक राजकीय दिशेने काम करत आहेत, त्याची महत्त्वाकांक्षा आज पूर्ण होईल आणि तुम्हाला याचा पूर्ण लाभ मिळेल. आज तुम्ही जर इतरांच्या कामात ढवळाढवळ केली तर तुमच्यासाठी ते त्रासदायक होईल, त्यामुळे तुम्ही यापासून दूर राहा. नोकरदार व्यक्तींनी त्यांना सोपवलेले काम आज परिपूर्णरीत्या संपवण्याचा प्रयत्न करावा. हे काम अत्यंत एकाग्रतेने करावे अन्यथा वरिष्ठांचे ऐकून घ्यावे लागेल. ज्यातून तुम्हाला त्रासाला तोंड द्यावे लागू शकते. आज ६५ टक्के भाग्य तुमच्या बाजूने आहे. आज तुळशीला पाणी द्यावे आणि दिवा लावावा.
मीन राशीची संपत्ती वाढणार
आजच्या दिवशी तुमची व्यावसायिक प्रतिष्ठा वाढेल, त्यामुळे तुम्ही आज प्रसन्न राहाला. आज तुम्हाला एखादी वडिलोपार्जित संपत्ती मिळू शकते, ज्यामुळे तुमची संपत्ती वाढेल. पण आज व्यवसायात धाडस करताना फार विचारपूर्वक निर्णय घ्याव अन्यथा याची फार मोठी भरपाई भविष्यात करावी लागू शकते. आज सायंकाळी तुम्ही घरी पूजा, हवन, कीर्तन यांचे आयोजन कराल, त्यात तुम्ही व्यग्र राहाल. पण नोकरदार व्यक्तींनी आजच्या दिवशी कोणत्याही वादापासून दूर राहिले पाहिजे. आज ७२ टक्के भाग्य तुमच्या बाजूने आहे. लक्ष्मीला आजच्या दिवशी खिरीचा नैवेद्य अपर्ण करावा.
