बॉलिवूडमध्ये नेपोटीजम आणि स्टारकिड्सयांची चर्चा कायम रंगलेली असते. जवळपास 8 वर्षांपूर्वीपासून सेलिब्रिटींच्या मुलांनी अधिक प्रसिद्धी मिळायला सुरुवात झाली. आता अभिनेता सैफ आली खान आणि अभिनेत्री करीना कपूर यांची दोन मुलं तैमूर अली खान आणि जेह अली खान यांना अधिक प्रसिद्धी मिळते.
यावर नुकताच झालेल्या एका मुलाखतीत सैफ अली खान याने मोठं वक्तव्य केलं आहे.
नुकताच झालेल्या एका मुलाखतीत, ‘सेलिब्रिटी आणि फिल्मी कुटुंबाचं आडनाव असल्यामुळे किती फायदा होतो?’ असा प्रश्न सैफ करीना यांना विचारण्यात आला. यावर दोघांनी देखील लक्षवेधी उत्तर दिलं आहे. प्रश्नाचं उत्तर देत करीना म्हणाली, ‘तुमच्याकडे कोणतंही आडनाव असलं तरी, आडनाव तुमचं यश ठरवत नाही. तुमच्याकडे किती कौशल्य आहे. तुम्ही किती यशस्वी आहात याचा निर्णय प्रेक्षक घेत असतात.’
करीना पुढे म्हणाली, ‘सोशल मीडियाच्या काळात कोणतीच गोष्ट ठरलेली नाही. लोकं उत्साही असतात. लोकं फोटो पाहतात. तुमचे 40 मिलियन फॉलोअर्स आहेत आणि तुम्हाला 30 हजार लाईक्स मिळतात… याचा अर्थ तुम्ही स्टार आहात असं होत नाही… हे सिद्ध करुन दाखवावं लागतं.’ असं देखील करीना म्हणाली
सैफ अली खान म्हणाला, ‘लोकांना सेलिब्रिटींच्या मुलांबद्दल आकर्षण असतं. आम्ही फक्त मुलांना जन्म देतो. पण माध्यम, फोटोग्राफर्स आणि चाहते त्यांना स्टारकिड्स बनवतात. त्यानंतर प्रसिद्धीझोतात असल्यामुळे त्यांना सिनेमांमध्ये संधी मिळते.’ सध्या सर्वत्र फक्त आणि फक्त सैफ आणि करीना यांनी स्टारकिड्सबद्दल केलेल्या वक्तव्याची चर्चा रंगली आहे.
सांगायचं झालं तर, करीना सोशल मीडियावर कायम सक्रिय असते. अभिनेत्री सोशल मीडियावर कायम तैमूर आणि जेह यांच्यासोबत फोटो आणि व्हिडीओ पोस्ट करत असते. एवढंच नाही तर, तैमूर आणि जेह यांचे सोशल मीडियावर फॅनपेज देखील आहेत.
तैमूर आणि जेह यांचे अनेक फोटो आणि व्हिडीओ सोशल मीडियावर व्हायरल होत असतात. तैमूर आणि जेह यांची एक झलक पाहण्यासाठी चाहते देखील उत्सुक असतात. सध्या सर्वत्र फक्त आणि सैफ आणि करीना यांच्या मुलांची चर्चा रंगली आहे.
सांगायचं झालं तर, सौफ अली खान चार मुलांचा बाप आहे. सैफ याची पहिली पत्नी अमृता सिंग यांचा अनेक वर्षांपूर्वी घटस्फोट झाला आहे. सैफ – अमृता यांच्या मुलीचं नाव सारा अली खान आणि मुलाचं नाव इब्राहिम अली खान असं आहे.
