कोल्हापूर प्रतिनिधी पांडुरंग फिरींगे
आगामी सार्वजनिक नगरपालिका व नगरपंचायत निवडणुकांच्या पार्श्वभूमीवर जिल्ह्यात अवैध इंजेक्शन विक्री,
अवैद्य व्यवसाय तसेच अंमली पदार्थांचे साठेबाज यांचा बंदोबस्त करण्याचे आदेश कोल्हापूरचे मा. पोलीस
अधीक्षक श्री. योगेश कुमार यांनी सर्व पोलीस दलांना दिले आहेत. त्यानुसार स्थानिक गुन्हे अन्वेषण शाखेने आज एक
धडाकेबाज कामगिरी करत MEPHENTERMINE SULPHATE या घातक इंजेक्शनची अवैध विक्री करणाऱ्या
रेकॉर्डवरील गुन्हेगारास पकडून मोठा मुद्देमाल जप्त केला.
गोपनीय बातमीदारामार्फत मिळालेल्या माहितीच्या आधारे गुन्हे अन्वेषण शाखेचे पोलीस अंमलदार
शुभम संकपाळ व विशाल चौगले यांनी तत्काळ बातमीची खात्री करून पो.नि. रविंद्र कळमकर यांच्या
सूचनेनुसार पथक तयार करण्यात आले. पो.उपनिरीक्षक संतोष गळवे यांच्या पथकाने सुभाषनगर, साई मंदिर
जवळ सापळा लावला असता एक इसम अॅक्सेस दुचाकीवर येताना दिसून आला. संशयास्पद हालचालींमुळे
पथकाने त्याला ताब्यात घेतले. सुरुवातीला उडवाउडवीची उत्तरे दिल्यानंतर त्याने आपले नाव प्रशांत महादेव मोरे
(वय ३५, व्यवसाय – जिम ट्रेनर, रा. मोरेवाडी, ता. करवीर) असे सांगितले.
त्याच्या मोपेडच्या डिकीत तपकिरी बॅगमध्ये MEPHENTERMINE SULPHATE या अत्यंत घातक औषधांच्या
बॉटली आढळून आल्या. पंचासमक्ष करण्यात आलेल्या पंचनाम्यात एकूण ४० इंजेक्शन बॉटल आणि १,१०,०००/-
रुपये किमतीचा मुद्देमाल जप्त करण्यात आला.
राजारामपूरी पोलीस ठाण्यात BNS कायद्यानुसार गुन्हा दाखल करण्यात आला असून पुढील तपास सुरू आहे.
ही प्रभावी कारवाई मा. पोलीस अधीक्षक श्री. योगेश कुमार, मा. अपर पोलीस अधीक्षक डॉ. बी. धीरजकुमार यांच्या
मार्गदर्शनाखाली स्थानिक गुन्हे अन्वेषण शाखेचे पोलीस निरीक्षक रविंद्र कळमकर यांच्या नेतृत्वात करण्यात
आली. या कारवाईत पो.उपनिरीक्षक संतोष गळवे, पोलीस अंमलदार शुभम संकपाळ, विशाल चौगले, लखनसिंह
पाटील, विशाल खराडे, वैभव पाटील, संतोष बरगे, सागर माने, विजय इंगळे, महेश खोत, सागर चौगले, संदीप
बेंद्रे, संजय कुंभार, महेश पाटील, योगेश गोसावी, अरविंद पाटील यांनी मोलाची भूमिका बजावली.
कोल्हापूर पोलिसांचा हा धडाडीचा अंमली पदार्थविरोधी पवित्रा आगामी निवडणुकांच्या पार्श्वभूमीवर
गुन्हेगारीवर प्रभावी आळा घालणारा ठरत आहे.
