कोल्हापूर प्रतिनिधी : रोहित डवरी
भारतीय संविधानाच्या ७५ वर्षपूर्तीचे औचित्य साधून तसेच अमृत महोत्सव साजरा करण्याच्या निमित्ताने एस पी नाईन मराठी माध्यम समूहाच्या वतीने संपूर्ण पश्चिम महाराष्ट्रात भारतीय संविधान जनजागृती उपक्रम राबवण्यात येत आहे. या उपक्रमांतर्गत सामाजिक, शैक्षणिक, राजकीय, पोलीस प्रशासन, क्रीडा, कला, पत्रकारिता, औद्योगिक अशा विविध क्षेत्रांमध्ये उल्लेखनीय कार्य करणाऱ्या व्यक्तींना भारतीय संविधान जनजागृती प्रेरणा पुरस्कार 2025 प्रदान केला जात आहे.
याच साखळीतील एक महत्वाचा सन्मान आज कोल्हापूर आरटीओ कार्यालयातील पोलीस उपनिरीक्षक राजाराम बर्गे यांना प्रदान करण्यात आला. आपल्या कार्यात अत्यंत शिस्तबद्ध, पारदर्शक आणि प्रामाणिकपणे कर्तव्य बजावणारे अधिकारी म्हणून राजाराम बर्गे यांची ओळख आहे. शहरातील विविध चौकांमध्ये वाहतूक शिस्त राखणे, जनतेशी संवाद साधून नियमांविषयी जागृती करणे तसेच वाहनचालकांना कायद्याचे पालन करण्यास प्रवृत्त करणे या सर्व क्षेत्रांत त्यांनी आपली वेगळी छाप पाडली आहे.
सार्वजनिक सुरक्षेसाठी अहोरात्र काम करत असताना दाखवलेली त्यांची निष्ठा, कर्तव्यपरायणता आणि प्रामाणिक वृत्ती लक्षात घेऊन एस पी नाईन मराठी माध्यम समूहाने त्यांना “भारतीय संविधान जनजागृती प्रेरणा पुरस्कार 2025” देऊन गौरविले. हा सन्मान त्यांच्या कार्याची योग्य पोचपावती असल्याचे मत यावेळी व्यक्त करण्यात आले.
सन्मान सोहळ्यावेळी एस पी नाईन मराठी माध्यम समूहाचे मॅनेजिंग डायरेक्टर सागर पाटील, महाराष्ट्र राज्याचे पीआरओ रोहित डवरी, जाहिरात व्यवस्थापक श्रीकांत शिंगे, बाहुबली भोसे, शुभम शिखरे तसेच माध्यम समूहाचे इतर पदाधिकारी उपस्थित होते. राजाराम बर्गे यांनी मिळालेल्या सन्मानाबद्दल कृतज्ञता व्यक्त करत संविधान मूल्यांवर आधारित सेवा अधिक प्रभावीपणे बजावण्याचा संकल्प व्यक्त केला.
भारतीय संविधान जनजागृती अमृत महोत्सवात दिलेला हा सन्मान प्रशासनातील प्रामाणिक कारभार आणि समाजहिताची भावना जोपासणाऱ्या अधिकाऱ्यांसाठी प्रेरणादायी ठरत आहे.
