प्रतिनिधी प्रा मेघा पाटील
महाराष्ट्र आणि गुजरातचे राज्यपाल माननीय आचार्य देवव्रत आज नवी दिल्लीहून तेजस एक्सप्रेसने मुंबई सेंट्रल रेल्वे स्थानक येथे आगमन झाले. त्यांच्या स्वागतासाठी स्टेशन परिसरात औपचारिक व उत्साही वातावरण पाहायला मिळाले.राज्यपालांच्या आगमनावेळी राज्यपालांचे सचिव डॉ. प्रशांत नारनवरे तसेच राज्यपालांचे उपसचिव एस. राममूर्ती यांनी पुष्पगुच्छ देऊन त्यांचे हार्दिक स्वागत केले. यावेळी मुंबई सेंट्रल रेल्वे स्थानकाचे व्यवस्थापक सागर कुलकर्णी, तसेच पश्चिम रेल्वेचे वरिष्ठ अधिकारीही उपस्थित होते.राज्यपालांच्या दौऱ्याच्या निमित्ताने स्थानकावर सुरक्षेची आणि व्यवस्थापनाची विशेष काळजी घेण्यात आली होती.
ट्रेन प्लॅटफॉर्मवर पारंपरिक स्वागत पद्धतीने त्यांचे स्वागत पार पडले.माननीय राज्यपाल आचार्य देवव्रत हे मुंबई तसेच आळंदी (पुणे) येथे आयोजित विविध महत्त्वपूर्ण कार्यक्रमांना उपस्थित राहणार असून, त्यांच्या या दौर्‍याकडे प्रशासनासह राज्यातील नागरिकांचे विशेष लक्ष लागले आहे.राज्यपालांच्या उपस्थितीमुळे मुंबई व पुणे विभागातील नियोजित कार्यक्रमांना विशेष गंभीरता आणि औपचारिकता लाभणार आहे.
