कोल्हापूर प्रतिनिधी पांडुरंग फिरींगे –
कोल्हापूर महानगरपालिकेच्या शुगरमिल, नेहरूनगर, कळंबा फिल्टर हाऊस आणि संभाजीनगर या प्रमुख वस्त्यांमध्ये तब्बल ४६ लाख ६६ हजार रुपये खर्चून करण्यात येणाऱ्या विकासकामांचा भव्य शुभारंभ माजी आमदार ऋतुराज पाटील यांच्या हस्ते मोठ्या उत्साहात संपन्न झाला. नागरिकांच्या दीर्घकालीन मागण्यांना समाधान देणाऱ्या या कामांनी परिसरांच्या विकासाला नवी गती मिळणार आहे.
🔹 शुगर मिल – शाहूनगरी : १५ लाखांचे गटर्स
विधान परिषदेतील काँग्रेस गटनेते आमदार सतेज (बांबा) पाटील यांच्या निधीतून येथे अंतर्गत गटर्सची उभारणी होणार असून, परिसरातील पावसाळ्यातील समस्या मोठ्या प्रमाणात दूर होणार आहेत.
🔹 नेहरूनगर ओपन स्पेस – १० लाखांची संरक्षक भिंत
आमदार सतेज पाटील व माजी आमदार ऋतुराज पाटील यांच्या पाठपुराव्यामुळे खासदार इम्रान प्रतापगढी यांच्या फंडातून नेहरूनगरात ओपन स्पेससाठी मजबूत संरक्षक भिंत उभारली जाणार आहे.
🔹 कळंबा फिल्टर हाऊस – म्हाडा कॉलनी : १० लाखांची सुविधा
म्हाडा कॉलनीतील ओपन स्पेसच्या विकासासाठीही १० लाखांचा निधी मंजूर झाला असून, स्थानिकांना मूलभूत सुविधांचा मोठा लाभ होणार आहे.
🔹 संभाजीनगर – ताराराणी कॉलनी : ११.६६ लाखांचे रस्ता काँक्रीटीकरण
माजी आमदार ऋतुराज पाटील यांच्या 2024-25 च्या आमदार निधीतून संभाजीनगरातील महत्त्वाचा रस्ता आता सिमेंट काँक्रीट स्वरूपात तयार होणार आहे. वाहतुकीला नवी मजबुती व सुरक्षितता मिळणार आहे.
कार्यक्रमाला मान्यवरांची मोठी उपस्थिती
या सर्व कार्यांचा शुभारंभ अतिशय उत्साहपूर्ण वातावरणात झाला. यावेळी काँग्रेस शहराध्यक्ष सचिन चव्हाण, माजी नगरसेवक हरिदास सोनवणे, भूपाल शेटे, सुभाष बुचडे, दुर्वास कदम, डॉ. संदीप नेजदार, मोहन सालपे, रवी आवळे, फिरोज सौदागर, अजित पोवार, प्रशांत पाटील, जावेद खान, संतोष पाटील, अनंत पाटील, मारुती पाटील, सुनील ताटे, अशोक माळी, प्रसन्न वैद्य, विजय पाटील, प्रवीण सोनवणे, मदन कोथळकर, अनिल शिंदे, रवी गावडे, रवी शिंदे, अनिस शेख, सुमित बामणे, समीर कवठेकर, उमेश पाडळकर, अमोल ओतारी, किशोर यादव, संदीप सरनाईक, युवराज पाटील व अन्य मान्यवर तसेच मोठ्या संख्येने नागरिक उपस्थित होते.
🔸 विकासाची गती कायम — लोकाभिमुख निर्णयांनी होणार सर्वांगीण प्रगती
या विकासकामांमुळे संबंधित परिसरांना दर्जेदार सुविधा उपलब्ध होऊन नागरिकांचे दैनंदिन जीवन अधिक सुसह्य होणार आहे. माजी आमदार ऋतुराज पाटील व आमदार सतेज पाटील यांच्या पुढाकारामुळे कोल्हापूर शहरात विकासाची गती कायम राहणार असल्याची भावना नागरिकांनी व्यक्त केली.
