कोल्हापूर / मुंबई :अवयवदानाबाबत समाजात असलेले गैरसमज दूर करून जनजागृती निर्माण करण्याच्या उद्देशाने ‘मृत्युंजयचे उपासक’हा प्रभावी सामाजिक आशय असलेला लघु चित्रपट नुकताच प्रेक्षकांच्या भेटीला आला आहे. अवयवदान म्हणजे मृत्यूनंतरही जीवनदान देण्याची महान संकल्पना समाजमनात रुजविण्याचा हा महत्त्वपूर्ण प्रयत्न असून, या उपक्रमामुळे अवयवदान जनजागृती अभियानाला नवी दिशा मिळणार आहे.हा लघु चित्रपट ‘दि फेडरेशन ऑफ ऑर्गन अँड बॉडी डोनेशन’ (मुंबई), यशोदर्शन फाउंडेशन (कोल्हापूर) आणि मार्वल्स ग्रुप ऑफ कंपनी (कोल्हापूर) यांच्या संयुक्त अवयवदान जनजागृती अभियानाचा एक महत्त्वाचा टप्पा ठरला आहे. समाजातील प्रत्येक घटकापर्यंत अवयवदानाचा संदेश पोहोचावा, या उद्देशाने हा चित्रपट तयार करण्यात आला आहे.
.प्रतिनिधी : जानवी घोगळे
निर्मिती आणि तांत्रिक बाजूया लघु चित्रपटाची निर्मिती देव अवन प्रोडक्शन यांनी केली असून, सौ. उत्कर्षा संग्राम पाटील या निर्मात्या आहेत. चित्रपटाच्या प्रसिद्धी व जनसंपर्काची धुरा P.R.O. योगेश अग्रवाल (कोल्हापूर) यांनी सांभाळली आहे.चित्रपटासाठी संगीत आणि पार्टनर म्हणून गौरीशंकर संगोळी यांनी योगदान दिले असून, SP9 Media या माध्यम समूहाने सहकार्य केले आहे. सामाजिक संदेशाचा प्रभाव‘मृत्युंजयचे उपासक’ या चित्रपटातून अवयवदान ही केवळ वैद्यकीय प्रक्रिया नसून, ती एक मानवी, सामाजिक आणि नैतिक जबाबदारी असल्याचा संदेश प्रभावीपणे मांडण्यात आला आहे. म एखाद्याच्या अवयवांमुळे अनेक गरजू रुग्णांना नवे आयुष्य मिळू शकते, ही भावना चित्रपटाच्या माध्यमातून संवेदनशील पद्धतीने अधोरेखित करण्यात आली आहे. तीन भाषांत सादरीकरणहा लघु चित्रपट अधिकाधिक लोकांपर्यंत पोहोचावा, यासाठी तो मराठी, हिंदी आणि इंग्रजी अशा तीन भाषांमध्ये YouTube वर उपलब्ध करून देण्यात आला आहे.
🔹 English Version:[https://youtu.be/CSIL3Q1i1hc](https://youtu.be/CSIL3Q1i1hc)🔹 Hindi Version:[https://youtu.be/2BrpCaFHIXM](https://youtu.be/2BrpCaFHIXM)🔹 Marathi Version:[https://youtu.be/746mOZbQJso](https://youtu.be/746mOZbQJso) नागरिकांना आवाहनया सामाजिक कार्याला बळ देण्यासाठी नागरिकांनी हा लघु चित्रपट पाहूनLike, Subscribe आणि Comment करून आपली प्रतिक्रिया नोंदवावी, तसेच हा संदेश जास्तीत जास्त लोकांपर्यंत पोहोचवण्यासाठी चित्रपटाची लिंक शेअर करावी, असे आवाहन आयोजक संस्थांच्या वतीने करण्यात आले आहे.अवयवदानासारख्या जीवनदायी विषयावर आधारित ‘मृत्युंजयचे उपासक’ हा लघु चित्रपट समाजात सकारात्मक परिवर्तन घडविण्यास निश्चितच प्रेरणादायी ठरेल, असा विश्वास व्यक्त करण्यात येत आहे.
