छोट्या पडद्यावर तुफान गाजलेली मालिका म्हणजे ठिपक्यांची रांगोळी (thipkyanchi rangoli). काही काळापूर्वीच या मालिकेने प्रेक्षकांचा निरोप घेतला. ही मालिका संपल्यावर प्रेक्षकांमध्ये नाराजीचा एकच सूर उमटला होता.
अनेकांनी ही मालिका पुन्हा सुरु करा अशी जोरदार मागणी केली होती. विशेष म्हणजे प्रेक्षकांचं हे प्रेम पाहून खरोखरच मालिकेच्या मेकर्सनी ही मालिका पुन्हा एकदा प्रेक्षकांच्या भेटीला आणली आहे. अभिनेत्री ज्ञानदा रामतीर्थकर हिने एक व्हिडीओ शेअर करत याविषयीची माहिती दिली.
ज्ञानदा म्हणजेच मालिकेतील अप्पू हिने नुकताच इन्स्टाग्रामवर एक व्हिडीओ पोस्ट केला आहे. या व्हिडीओमध्ये तिने ठिपक्यांची रांगोळी ही मालिका प्रेक्षकांना पुन्हा एकदा पाहता येणार असल्याचं सांगितलं आहे. परंतु, ही मालिका टीव्हीवर दिसणार नसून युट्यूबवर दिसणार आहे. तेही अगदी दररोज.
