बॉलिवूड अभिनेत्री आता साऊथ इंडस्ट्रीकडे वळत आहेत. त्याचबरोबर दक्षिणेतील सौंदर्यवतीही बॉलिवूड चित्रपटांमध्ये आपला इंटरेस्ट दाखवत आहेत. दरम्यान, करीना कपूर खान(Kareena Kapoor Khan)ही तिच्या साऊथ डेब्यूसाठी सज्ज असल्याची बातमी समोर आली आहे.
गेल्या वर्षी तिने ओटीटीवर पदार्पण केले. नवीन वर्षात, ती काहीतरी नवीन करताना आणि KGF स्टार यश(Yash)सोबत त्याच्या नवीन सिनेमात काम करताना दिसणार आहे.
करीना कपूर खान दाक्षिणात्य अभिनेता यशच्या टॉक्सिक या चित्रपटात काम करणार असल्याचे बोलले जात आहे. यशने गेल्या वर्षी त्याच्या चित्रपटाची घोषणा केली होती आणि डिसेंबरमध्ये चित्रपटाचे नाव जाहीर केले होते. मात्र, या चित्रपटाबाबत अद्याप फारशी माहिती समोर आलेली नाही. निर्मात्यांना अद्याप चित्रपटाची माहिती उघड करायची नाही. जर हे वृत्त खरे ठरले तर करिनाचे हे कन्नड चित्रपटसृष्टीत पदार्पण असेल.
