. प्रतिनिधी :अभिनंदन पुरीबुवा
पन्हाळा : पन्हाळा तालुक्यातील करंजफेन ग्रामपंचायतीच्या उपसरपंच पदी बाबासौ पाटील यांची बिनविरोध निवड झाली. ग्रामपंचायत कार्यालयात उपसरपंचपदासाठी सरपंच कु प्राजक्ता कांबळे यांच्या अध्यक्षतेखाली विशेष बैठकीचे आयोजन करण्यात आले होते. सौ कल्याणी पाटील यांनी पदाचा राजीनामा दिल्याने रिक्त झालेल्या जागेसाठी ही निवडणूक घेण्यात आली.उपसरपंचपदासाठी बाबासो पाटील यांचा एकमेव अर्ज दाखल झाल्याने ही निवडणूक बिनविरोध झाली.
यावेळी ग्रामपंचायत सदस्य सौ संध्या गिरी, प्रविण आरंडे, सौ नंदाताई आरंडे, सौ पद्मा कांबळे, गट नेते सदाशिव आरंडे, तानाजी पाटील, अशोक पाटील, जोतिराम पाटील,ग्रामसेविका सौ शोभा पाटील आदी मान्यवर उपस्थितीत होते.
ग्रामसेविका सौ शोभा पाटील यांनी निवडणूक अधिकारी म्हणून काम पाहिले. बाबासौ पाटील यांची बिनविरोध निवड जाहीर होताच कार्यकर्त्यांनी गुलालाची उधळण करीत आनंदोत्सव साजरा केला.
