रत्नागिरी उपसंपादक मेघा कुलकर्णी
दि. ०६/०३/२०२५ रोजी पोलीस कवायत मैदान, पोलीस मुख्यालय, रत्नागिरी येथे रत्नागिरी जिल्ह्यातील सर्व महिला व मुलींसाठी “बेटी बचाओ, बेटी पढ़ाओ दशपूर्ती सोहळा व रॅली” चे आयोजन करण्यात आले.या दशपूर्ती रॅलीला, मा. विशेष पोलीस महानिरीक्षक, कोंकण परिक्षेत्र श्री. संजय दराडे (भा.पो.से.) यांच्या शुभ हस्ते हिरवा झेंडा दाखवून शुभारंभ करण्यात आला.
प्रसंगी जिल्हा पोलीस अधीक्षक, श्री धनंजय कुलकर्णी, अपर पोलीस अधीक्षक, श्रीमती. जयश्री गायकवाड, पोलीस अधिकारी व अंमलदार, श्री. श्रीकांत हावळे, जिल्हा महिला व बाल विकास अधिकारी, रत्नागिरी, श्री. अनिल माळी परिवीक्षा अधिकारी, श्रीमती. अश्विनी तांबडे, संरक्षण अधिकारी, अंगणवाडी पर्यवेक्षका श्रीमती. कल्पना आंबवले, श्रीमती. साधना पागी, श्रीमती. प्रज्ञा खांडेकर व कर्मचारी उपस्थित होते.रत्नागिरी जिल्ह्यातील महिलांनी, विद्यार्थिनींनी व मुलींनी या दशपूर्ती रॅली मध्ये उत्साहाने आपला सहभाग नोंदविला.
