श्रीपतराव चौगुले कॉलेजची विद्यार्थीनी कु. संस्कृती पाटील.
उदयपूर (राजस्थान) येथे झालेल्या खेलो इंडिया युनिव्हर्सिटी गेम्स २०२५ स्पर्धेत माळवाडी–कोतोली येथील श्रीपतराव चौगुले आर्टस् अॅण्ड सायन्स कॉलेजची विद्यार्थिनी कु. संस्कृती प्रकाश पाटील हिने -७८ किलो वजनी गटात चमकदार कामगिरी करीत कांस्य पदक पटकावले. तिच्या या यशामुळे महाविद्यालयाचा व शिवाजी विद्यापीठाचा गौरव वाढला आहे.या विजयासाठी संस्थापक अध्यक्ष डॉ. के.एस. चौगुले, सचिव शिवाजीराव पाटील, प्राचार्य डॉ. विजयकुमार पाटील व क्रीडा संचालक प्रा. संग्रामसिंह मोरे यांचे मार्गदर्शन लाभले. महाविद्यालयात तिचा सत्कार करून पुढील क्रीडा वाटचालीस शुभेच्छा देण्यात आल्या.
