प्रतिनिधी पांडुरंग फिरींगे
शिवाजी विद्यापीठ, कोल्हापूर आणि अण्णासाहेब डांगे कॉलेज ऑफ इंजिनिअरिंग, आष्टा यांच्या संयुक्त विद्यमाने आयोजित इंटर झोनल महिला व पुरुष बॅडमिंटन स्पर्धेत विवेकानंद महाविद्यालय, कोल्हापूरने ऐतिहासिक कामगिरी साधली आहे.महिला व पुरुष या दोन्ही गटात विवेकानंद महाविद्यालयाने प्रथम क्रमांक पटकावत दुहेरी मुकुटावर आपले नाव कोरले आहे. या भव्य यशामुळे महाविद्यालयातील विद्यार्थी, प्राध्यापक व संस्थेमध्ये आनंदाचे आणि अभिमानाचे वातावरण निर्माण झाले आहे.या चमकदार विजयामागे श्री स्वामी विवेकानंद शिक्षण संस्थेचे कार्याध्यक्ष प्राचार्य अभयकुमार साळुंखे, संस्थेच्या सचिवा प्राचार्या सौ. शुभांगी गावडे, संस्थेचे सीईओ कौस्तुभ गावडे यांचे सततचे प्रोत्साहन लाभले.तसेच महाविद्यालयाचे प्रभारी प्राचार्य डॉ. एस. पी. थोरात, आयक्यूएसी समन्वयक डॉ. श्रुती जोशी, जिमखाना प्रमुख डॉ. विकास जाधव, प्रा. संतोष कुंडले, प्रा. समीर पठाण, प्रा. प्रशांत कांबळे, प्रा. साद मुजावर, रजिस्ट्रार एस. के. धनवडे व श्री. सुरेश चरापले यांचे मार्गदर्शन संघाला निर्णायक ठरले.विजयी खेळाडूंनी दाखवलेल्या निष्ठा, चिकाटी आणि संघभावनेमुळे विवेकानंद महाविद्यालयाने विद्यापीठाच्या क्रीडा इतिहासात आणखी एक सुवर्ण पान जोडले आहे
