तोडकर संजीवनी निसर्गोपचार केंद्राचा १३ वा वर्धापनदिन उत्साहात साजरा
ग्रामीण आरोग्यसेवेसाठी नव्या उपक्रमांची घोषणा
पन्हाळा प्रतिनिधी – पांडुरंग फिरींगे
पोहाळे, ता. पन्हाळा :
तोडकर संजीवनी निसर्गोपचार केंद्र प्रा. लि. चा १३ वा वर्धापनदिन पोहाळे येथे दिमाखात साजरा करण्यात आला. ग्रामीण जनतेला आरोग्यसेवेच्या मुख्य प्रवाहात आणण्याच्या उद्देशाने स्थापन झालेल्या या संस्थेने सेवायात्रेची १३ वर्षे पूर्ण करताना सामाजिक दायित्वाची नव्याने उजळणी केली. कार्यक्रमादरम्यान विविध रुग्णांना मोफत सल्लामसलत, उपचार मार्गदर्शन तसेच आरोग्यवर्धक उपक्रमांची सेवा प्रदान करण्यात आली.
१३ वर्षांची सेवायात्रा – लाखो रुग्णांना दिलासा
निसर्गोपचार आणि औषधविरहित उपचारपद्धती यांवर आधारित कार्य करताना तोडकर संजीवनी निसर्गोपचार केंद्राने मागील १३ वर्षांत महाराष्ट्र, कर्नाटक, आंध्र प्रदेश तसेच सीमाभागातील जिल्ह्यांतील लाखो रुग्णांना मार्गदर्शन केले आहे.
योग्य आहार, जीवनशैलीतील शिस्तबद्ध बदल, नैसर्गिक उपचार, तसेच रोगनिवारणापेक्षा रोगप्रतिबंधक आरोग्यदृष्टी विकसित करण्यावर केंद्राचा नेहमीच भर राहिला आहे.
रुग्णांच्या विश्वासामुळे संस्थेची वाढ सातत्याने होत असून आधुनिक ताणतणावपूर्ण जीवनशैलीत निसर्गोपचार हा आरोग्यासाठी प्रभावी पर्याय ठरू शकतो, असा संदेश केंद्र सतत देत आहे.
जनतेच्या प्रेमामुळेच संजीवनीचा प्रवास – संस्थापकांची कृतज्ञता व्यक्त*
कार्यक्रमात स्वागतची तोडकर व संजिवनी तोडकर यांनी भावनिक शब्दांत जनतेचे आभार मानले.
त्यांनी सांगितले—
“जनतेच्या प्रेम, विश्वास आणि सहकार्यामुळेच संजीवनी निसर्गोपचार केंद्र आज या उंचीवर पोहोचले आहे.
पुढील काळात आम्ही ग्रामीण भागात निसर्गोपचाराची जागरूकता वाढवून अधिकाधिक लोकांपर्यंत आरोग्यदायी जीवनशैली पोहोचवण्यास कटिबद्ध आहोत.”
त्यांनी आगामी काळात विविध आरोग्यशिबिरे, जनजागृती मोहिमा आणि नवीन सेवा सुविधा सुरू करण्याची माहितीही दिली.
ग्रामस्थ, पदाधिकारी आणि रुग्णांचा उत्स्फूर्त सहभाग*
या वर्धापनदिन कार्यक्रमास तोडकर संजीवनी समूहाचे पदाधिकारी, कार्यकर्ते, अनेक रुग्ण तसेच स्थानिक ग्रामस्थ मोठ्या संख्येने उपस्थित होते.
केंद्राने गेल्या वर्षभरात केलेल्या उपक्रमांचा आढावा घेण्यात आला आणि पुढील वर्षासाठी आरोग्यविषयक नवीन योजना जाहीर करण्यात आल्या.
या कार्यक्रमाद्वारे संस्थेने “आरोग्य तुमच्या दारी” हा संदेश अधोरेखित करत आरोग्यसेवेत सातत्याने योगदान देण्याची हमी दिली.
आरोग्यसेवा व सल्ल्यासाठी संपर्क*
घरगुती उपचार, निसर्गोपचार सल्लामसलत व अपॉइंटमेंटसाठी खालील क्रमांकांवर संपर्क साधावा :
लँडलाइन नं.:
📞 0231-2688800
📞 0231-3508800
