Theft in BMW Car: कर्नाटकची राजधानी बंगळुरुतून एक धक्कादायक घटना समोर आली आहे. एका बीएमडब्ल्यू कारमधून सुमारे 14 लाख रुपयांची रोकड चोरल्याची घटना समोर आली आहे. ही घटना सीसीटीव्ही कॅमेऱ्यात कैद झाली.
याप्रकरणी चोरीचा गुन्हा दाखल करण्यात आला असून तपास सुरू असल्याचे पोलिसांनी सांगितले. मात्र, अद्याप कोणालाही अटक करण्यात आलेली नाही.
सोशल मीडियावर व्हायरल झालेल्या या व्हिडिओमध्ये एक कार रस्त्यावर उभी असल्याचे दिसत आहे. यावेळी दोन तरुण दुचाकीवरुन कारजवळ येतात, एक तरुण खाली उतरतो आणि कारची काच फोडतो.
यानंतर तो आत ठेवली 14 लाख रुपयांची बॅग घेऊन पसरा होतो. चोरीची ही घटना सीसीटीव्ही फुटेजमध्ये कैद झाली असून, व्हिडिओच्या आधारे पोलीस आरोपींचा शोध घेत आहेत.
