Saptahik Rashi Bhavishya In Marathi: 2023 मधील शेवटचा महिना डिसेंबर सुरू झाला असून 4 ते 10 डिसेंबर या आठवड्यात मेष आणि तूळ राशीच्या लोकांना या आठवड्यात काही चांगली बातमी मिळू शकते. मिथुन, कर्क, कन्या आणि वृश्चिक राशीच्या लोकांनी खर्चावर संयम ठेवावा. वृषभ, मकर आणि कुंभ राशीच्या व्यक्तींनी या आठवड्यात काय करावं?सिंह, धनु आणि मीन राशीच्या लोकांसाठी कसा असेल हा आठवडा, जाणून घ्या सर्व राशींचे साप्ताहिक राशिभविष्य.
मेष साप्ताहिक राशीभविष्य
या आठवड्यात तुम्हाला आश्चर्यकारक उत्साह आणि आत्मविश्वास पहायला मिळणार आहे.
तुम्ही कुटुंब आणि मित्रांच्या मदतीने सर्वात कठीण कामे देखील पूर्ण करू शकाल. आठवड्याच्या मध्यवर्ती काळात वडिलांच्या विशेष मदतीने कुटुंबाशी संबंधित कोणत्याही मोठ्या समस्येवर तोडगा काढू शकाल. मात्र, हे करताना आपल्या कुटुंबातील इतर व्यक्तींच्या भावना दुखावणार नाहीत याकडे कटाक्षाने लक्ष द्या. मोठ्या प्रवासाची या आठवड्यात शक्यता असून हा प्रवास सुखकर आणि लाभदायक असेल. नोकरीच्या क्षेत्रात अपेक्षित यश मिळाल्याने मन प्रसन्न राहील. या आठवड्यात अविवाहित लोकांचा विवाह होण्याची शक्यता आहे. प्रेमसंबंधांबद्दल बोलायचं झाल्यास तुमच्या आयष्यात कोणीतरी येवू शकते. एखाद्याशी असलेल्या मैत्रीचे रुपांतर प्रेमात होण्याची शक्यता आहे.आधीच प्रेमात असलेल्या लोकांमध्ये परस्पर विश्वास वाढेल. लव्ह मॅरेजमध्ये येणारे अडथळे दूर होतील. दांपत्य जीवन सुखी राहील. आठवड्याच्या अखेरीस कुटुंबासमवेत एखाद्या पर्यटनस्थळाला तुम्ही भेट द्याल.
वृषभ साप्ताहिक राशीभविष्य
या आठवड्यात तुमची कामे वेगाने पूर्ण होतील पण त्याचबरोबर काही कामांमध्ये तुम्ही अडकून पडाल. आठवड्याच्या सुरुवातीला कामाच्या ठिकाणी काही समस्या तुम्हाला त्रास देऊ शकतात. यावर मात करण्यासाठी संयमाने आणि विवेकाने वेळेचे व्यवस्थापन करावे लागेल. या दरम्यान आपले विरोधक आपल्या कामात अडथळे निर्माण करण्याचा प्रयत्न करू शकतात, परंतु वरिष्ठांच्या मदतीने आपण त्यांची प्रत्येक हालचाल हाणून पाडू शकाल. आठवड्याच्या मध्यात तुम्हाला आरोग्याची विशेष काळजी घ्यावी लागेल.या दरम्यान हवामान बदलामुळे जुने आजार डोके वर काढतील त्याचा त्रास होवू शकतो. विद्यार्थ्यांचे अभ्यासाचे लक्ष कमी होऊ शकते. आठवड्याचा उत्तरार्ध करिअर आणि व्यवसायाच्या दृष्टीने शुभ म्हणता येईल. या काळात तुम्हाला या दोन्ही क्षेत्रात मोठे यश मिळू शकते. या सप्ताहात आपण आपल्या प्रेम संबंधात विचारपूर्वक पुढे जावे. जर तुमच्या लव्ह पार्टनरसोबत गैरसमज झाला असेल तर तो दूर करण्यासाठी तुमची मैत्रिण तुम्हाला उत्तम सहाय्य करेल.चढ-उतारांनी भरलेल्या तुमच्या आयुष्यात जोडीदाराची मोलाची साथ मिळेल.
मिथुन साप्ताहिक राशीभविष्य
मिथुन राशीच्या व्यक्तींनी आपला वेळ आणि ऊर्जा यांचा व्यवस्थित वापर करावा म्हणजे करिअर आणि व्यवसायात अपेक्षीत यश मिळेल. कामाशी संबंधित कोणतेही ध्येय पूर्ण करण्यासाठी काम करणे योग्य ठरेल. सर्वांसोबत एकत्र राहणे आणि छोट्या छोट्या गोष्टींकडे दुर्लक्ष करणे योग्य आहे. आठवड्याच्या सुरुवातीला मित्राच्या मदतीने उत्पन्नाचे नवे स्रोत निर्माण होतील. तुमची संपत्ती वाढणार आहे. जर तुम्ही तुमचा व्यवसाय वाढविण्याचा विचार करत असाल तर या आठवड्यात तुमचे स्वप्न पूर्ण होऊ शकते. सप्ताहाच्या उत्तरार्धात कोणत्याही धार्मिक किंवा शुभ कार्यक्रमात सहभागी होण्याची संधी मिळेल. परदेशात काम करणाऱ्यांसाठी हा काळ अत्यंत शुभ आहे. कंत्राटी किंवा कमिशनवर काम करणाऱ्यांना विशेष लाभ मिळणार आहे. परीक्षा आणि स्पर्धांची तयारी करणाऱ्या विद्यार्थ्यांना आनंदाची बातमी मिळेल. कुटुंबातील एखाद्या सदस्याच्या मोठ्या यशामुळे घरात आनंदाचे वातावरण असेल. प्रेमसंबंध दृढ होतील तसेच तुमच्या लव्ह पार्टनरसोबत क्वालिटी टाइम घालवण्याची संधी मिळेल. दांपत्य जीवन सुखी राहील.
कर्क साप्ताहिक राशीभविष्य
कर्क राशीच्या व्यक्तींना या आठवड्यात अल्पशा फायद्यासाठी तुम्ही मोठे नुकसान तर करत नाही ना याचा विचार करायला हवा. इतरांशी बोलताना खूप सावधगिरी बाळगा आणि खोटे बोलणे टाळा, अन्यथा तुम्ही त्यांच्या संपर्कात आलात तर तुम्हालाच तुमची लाज वाटेल. आठवड्याच्या सुरुवातीला तुम्हाला कामाशी संबंधित काही समस्यांना सामोरे जावे लागू शकते. कामाचा ताण अचानक वाढल्याने आणि सहकाऱ्यांची मदत न मिळाल्याने मानसिक ताण येईल. भागीदारीत व्यवसाय करत असाल, तर पैशांशी संबंधित प्रकरणे निकाली काढून पुढे जाणे आपल्यासाठी सर्वोत्तम आहे. या आठवड्यात तुम्ही कोणत्याही जोखमीच्या योजनेत किंवा सट्टेबाजी, लॉटरी, शेअर्स इत्यादींमध्ये पैसे गुंतवणे टाळावे. या आठवड्यातील परिस्थितीवर नाराज होण्यापेक्षा त्यांच्याशी जुळवून घेणे आपल्यासाठी उत्तम ठरेल. कुटुंबात प्रेम आणि सलोखा राखण्यासाठी छोट्या छोट्या गोष्टींकडे दुर्लक्ष केलेलेच बरे.आठवड्याच्या उत्तरार्धात अचानक जमीन संबंधित वादाचा सामना करावा लागेल. वडिलोपार्जित मालमत्ते मिळविण्यासाठी तुम्हाला अनंत अडचणींचा सामना करावा लागू शकतो.आपले प्रेम संबंध मजबूत करण्यासाठी लव्ह पार्टनरच्या भावनांकडे दुर्लक्ष करणे टाळा. सुखी वैवाहिक जीवनासाठी, आपल्या व्यस्त वेळापत्रकातून आपल्या जोडीदारासाठी देखील थोडा वेळ काढा.
सिंह साप्ताहिक राशीभविष्य
या आठवड्यात सिंह राशीच्या व्यक्तींचे नशीब सूर्याप्रमाणे चमकताना दिसेल. करिअर आणि व्यवसायाच्या दिशेने केलेले प्रयत्न यशस्वी होतील, ज्यामुळे तुमचे मन प्रसन्न राहील. आठवडाभर आत्मविश्वासी दिसाल. आयटी क्षेत्राशी संबंधित आणि परदेशात व्यवसाय करणाऱ्यांसाठी हा आठवडा भाग्यघेऊन आला आहे. परदेशात करिअर करण्याचा विचार करत असाल तर या आठवड्यात तुमच्या मार्गात येणारे अडथळे दूर होतील. परदेशातून व्यवसाय करणाऱ्यांना मोठा ठेका मिळू शकतो. आठवड्याच्या उत्तरार्धात लक्झरी किंवा घराच्या सजावटीवर तुम्ही मोठ्या प्रमाणात पैसे खर्च करू शकता. या काळात तरुणाई आपला जास्तीत जास्त वेळ जवळच्या मित्र-मैत्रिणींसोबत मौजमजा करण्यात घालवेल. घरातील एखाद्या शुभ कार्यक्रमात सहभागी होण्याची आणि कुटुंबातील सदस्यांसमवेत आनंदाने वेळ घालवण्याची संधी मिळेल. सप्ताहाच्या उत्तरार्धात सहलीला किंवा तीर्थयात्रेला जाऊ शकता. प्रेम संबंधांसाठी हा आठवडा अनुकूल आहे. लव्ह पार्टनरसोबत चांगले बॉन्डिंग पाहायला मिळेल. दांपत्य जीवन सुखी राहील.
कन्या साप्ताहिक राशीभविष्य
कन्या राशीच्या लोकांसाठी हा आठवडा उत्तम आहे कारण तुमच्या जीवनातील समस्या दूर होणार असून मनोकामना पूर्ण होणार आहेत. आठवड्याच्या सुरुवातीला एखाद्या प्रभावशाली व्यक्तीच्या मदतीने मोठी समस्या सोडवल्यानंतर तुम्ही सुटकेचा निःश्वास टाकाल. या दरम्यान तुम्हाला तुमच्या जवळच्या मित्रांची पूर्ण साथ मिळेल. ज्या सुख-सुविधांसाठी आणि ऐशोआरामाची तुम्ही एवढी वर्षे वाट पाहत ती तुम्हाला या आठवड्यात मिळाल्यामुळे तुम्ही आनंदी असणार आहात. नोकरी करणाऱ्यांची इच्छित ठिकाणी बदली किंवा बढती होणार आहे. आठवड्याच्या उत्तरार्धात तुम्हाला मुलांशी संबंधित काही चांगली बातमी मिळू शकते, ज्यामुळे घरात आनंदाचे वातावरण निर्माण होईलच,तसेच तुमचा मान-सन्मानही वाढेल. या काळात व्यवसायाशी संबंधित प्रवास सुखकर आणि फायदेशीर ठरेल. जर तुम्हाला तुमच्या प्रेमसंबंधाचे लग्नात रुपांतर करायचे असेल तर तुमची इच्छा पूर्ण होऊ शकते. कुटुंबातील सदस्य तुमच्या लग्नाला होकार देवू शकतात. जोडीदार आजारी पडू शकतो त्याची काळजी घ्या तसेच स्वत: आरोग्याकडे दुर्लक्ष करणे टाळा.
तुळ साप्ताहिक राशीभविष्य
तुळ राशीच्या लोकांना या आठवड्यात आपली स्वप्न करण्यासाठी सर्व सुखसोयींचा त्याग करावा लागेल तसेच कठोर परिश्रमाने आणि एकाग्र चित्ताने काम करावे लागेल. आठवड्याच्या सुरुवातीला कामाच्या निमित्ताने लांबचा प्रवास करावा लागू शकतो. प्रवास सुखकर होईल आणि प्रभावशाली लोकांशी संपर्क वाढेल. या दरम्यान तुम्ही तुमची प्रतिभा लोकांसमोर चांगल्या पद्धतीने दाखवू शकाल. विशेष म्हणजे समाजातील प्रत्येक क्षेत्रातील लोकांचे सहकार्य आणि पाठिंबा तुम्हाला मिळेल. या आठवड्यात जमीन किंवा बिल्डींग संबंधातील वादामध्ये निर्णय तुमच्या बाजूने असू शकतो. विरोधक स्वत: तुमच्यासोबत तडजोड करण्यासाठी पुढाकार घेऊ शकतात. नोकरदार महिलांसाठी आठवड्याचा उत्तरार्ध थोडा आव्हानात्मक असू शकतो. या काळात त्यांना घर आणि कामाच्या ठिकाणी समन्वय राखण्यात थोडी अडचण येवू शकते. प्रेम संबंधांच्या दृष्टीने हा आठवडा तुमच्यासाठी अनुकूल आहे. लव्ह पार्टनरसोबत आनंदात वेळ घालवण्याच्या भरपूर संधी मिळतील. दांपत्य जीवन सुखी राहील.
वृश्चिक साप्ताहिक राशीभविष्य
वृश्चिक राशीचे लोक बुद्धिमत्ता आणि मधूर वाणीने अत्यंत अवघड कामेही सहज पूर्ण करतील. या सप्ताहात एखाद्या विशिष्ट कामात इच्छित यश मिळविण्यासाठी तुम्हाला जवळच्या मित्रांची पूर्ण मदत मिळेल. कामाच्या ठिकाणी विरोधकांनी रचलेले कारस्थान उघड होईल. नोकरीत वरिष्ठ आणि कनिष्ठ दोघांकडून मदत मिळेल त्यामुळे हाती घेतलेली कामे पटापट पूर्ण होतील. आठवड्याच्या मध्यात कुटुंबातील एखाद्या सदस्याकडून एखादी चांगली बातमी ऐकायला मिळू शकते, ज्यामुळे आनंदाचे वातावरण निर्माण होईल. या काळात तुम्हाला करिअर आणि व्यवसायात इच्छित यश मिळेल. उत्पन्नाचे नवे स्रोत निर्माण होतील. आधी केलेल्या गुंतवणुकीचा फायदा मिळेल. आठवड्याच्या उत्तरार्धातही तुम्ही व्यस्त राहणार आहात. वैयक्तिक समस्या सोडविण्यासाठी तुम्हाला लांबचा प्रवास करावा लागू शकतो. या आठवड्यात आपण आपले प्रेम व्यक्त करणे टाळावे, अन्यथा आपल्याला अनावश्यक समस्यांना सामोरे जावे लागू शकते. यासंदर्भात कोणताही निर्णय विचारपूर्वक घ्या. वैवाहिक जीवनात छोटे छोटे वाद होतील पण त्याचा मोठा परिणाम होणार नाही.
धनु साप्ताहिक राशीभविष्य
या आठवड्यात तुम्ही जे काही काम कराल, त्यात तुम्हाला अपेक्षीत यश आणि नफा मिळेल. आठवड्याच्या सुरुवातीला सुरु असलेल्या न्यायालयीन खटल्यात तुम्हाला मोठा विजय मिळू शकतो किंवा तुमचे विरोधक तुमच्याशी तडजोड करण्यासाठी पुढाकार घेऊ शकतो. आठवड्याच्या मध्यात सामाजिक-धार्मिक क्षेत्रात काम करणाऱ्यांची प्रतिष्ठा वाढेल. कोणत्याही मोठ्या व्यासपीठावर तुमचा सन्मान होवू शकतो. नोकरदार मंडळींसाठी आनंदाची बातमी आहे इच्छित ठिकाणी किंवा कोणत्याही मोठ्या पदावर तुमची बदली होवू शकते. जे लोक बऱ्याच काळापासून नोकरी बदलण्याचा विचार करत होते त्यांना चांगली संधी मिळू शकते. आठवड्याच्या उत्तरार्धात तुम्ही अशा प्रभावशाली लोकांच्या संपर्कात याल ज्यांचा सरकारशी संबंध आहे. त्यांच्या मदतीने तुमची रखडलेली कामे पूर्ण होतील. या आठवड्यात तुम्हाला तुमच्या लव्ह पार्टनरसोबत चांगला समन्वय पाहायला मिळेल त्यामुळे तुम्ही आनंदी असला. दांम्पत्य जीवन सुखी असेल आणि कुटुंबासमवेत आनंदाचे क्षण घालवण्याची संधी मिळेल.
मकर साप्ताहिक राशीभविष्य
आठवड्याच्या सुरुवातीला कामाच्या अनुषंगाने थोडी जास्त धावपळ करावी लागू शकते.
प्रवासामुळे वैयक्तिक किंवा व्यवसायाशी संबंधित समस्या बऱ्याच अंशी दूर होतील आणि तुम्ही सुटकेचा निश्वास टाकाल. या काळात तुम्ही काही जबाबदाऱ्या पार पाडण्यात व्यस्त असाल, ज्यामुळे तुम्हाला स्वतःसाठी आणि आपल्या कुटुंबासाठी वेळ काढणे थोडे अवघड जाईल. आठवड्याच्या मध्यात करिअर आणि व्यवसायाच्या दृष्टीने शुभ असणार आहे. व्यवसायात अनपेक्षित लाभ झाल्याने मन प्रसन्न राहील. एखाद्या खास व्यक्तीच्या मदतीने लाभदायक योजनांमध्ये सामील होण्याची संधी मिळेल. मात्र, कोणत्याही योजनेत पैसे गुंतवताना सावधगिरी बाळगावी लागेल. प्रेम संबंधातील लोकांना सावधगिरीने पुढे जाण्याची आवश्यकता आहे. यासंदर्भात कोणताही निर्णय घाईगडबडीत घेणे किंवा भावनांमध्ये वाहून जाणे टाळा, अन्यथा पुढे पश्चाताप होवू शकतो. दांपत्य जीवन सुखी राहील.
कुंभ साप्ताहिक राशीभविष्य
कुंभ राशीच्या ज्या व्यक्ती दीर्घकाळापासून सुखसोयींशी संबंधित वस्तू खरेदी करण्याची स्वप्न पाहत होते, त्यांची इच्छा या आठवड्यात पूर्ण होणार आहे. या आठवड्यात तुम्ही लक्झरी, होम रिपेअर, पिकनिक पार्टी इत्यादींवर भरपूर पैसे खर्च करणारा आहात. प्रिय व्यक्तीच्या आगमनाने घरात आनंदाचे वातावरण राहील. कला आणि संगीताशी संबंधित व्यक्तींसाठी आठवड्याचा मध्यवर्ती कालावधी अत्यंत शुभ असेल. कोणत्याही मोठ्या यशामुळे समाजात तुमचा मान-सन्मान वाढेल. भागीदारीत व्यवसाय करणाऱ्यांसाठी हा काळ अत्यंत शुभ असणार आहे. व्यवसाय पुढे नेण्याची योजना करत असला तर उत्तम कालावधी आहे. विशेष म्हणजे हे करताना तुम्हाला तुमच्या जवळच्या मित्र-मैत्रिणीआणि नातेवाईकांची पूर्ण साथ मिळेल. आठवड्याच्या उत्तरार्धात आपण अचानक मित्र किंवा कुटुंबियांसमवेत लांब पल्ल्याच्या पर्यटन सहलीवर जाऊ शकता. लव्ह रिलेशनशीपमध्ये तुम्हाला तुमच्या लव्ह पार्टनरसोबत चांगली ट्यूनिंग पाहायला मिळेल. प्रेम संबंधात परस्पर विश्वास वाढेल. दांपत्य जीवन सुखी राहील.
मीन साप्ताहिक राशीभविष्य
या आठवड्यात मीन राशीच्या लोकांना इच्छित यश मिळविण्यासाठी तुमच्या व्यवहारात आणि एकूण वागण्यात जरा मृदूपणा ठेवा.आठवड्याच्या सुरुवातीला करिअर व्यवसायाच्या अनुषंगाने प्रवास होवू शकतो आणि तो प्रवास सुखकर आणि लाभदायक असेल. सत्ता आणि प्रशासनाशी संबंधित ज्या व्यक्ती आहेत त्यांना हा काळ अत्यंत शुभ असणार आहे. त्यांना बहुप्रतीक्षित पद किंवा जबाबदारी मिळू शकते. या काळात तुमच्या संपर्कांच्या मदतीने अशक्य वाटणारी कामे सहज पूर्ण करू शकाल. तुम्ही घेतलेल्या निर्णयांचे केवळ कामाच्या ठिकाणीच नव्हे तर कुटुंबातही कौतुक होईल. आठवड्याच्या उत्तरार्धात कोणत्याही धार्मिक किंवा शुभ कार्यक्रमात सहभागी होण्याची संधी मिळेल. या काळात तरुणाई आपला जास्तीत जास्त वेळ मौजमजेत घालवेल. व्यवसायाशी संबंधित लोकांना आठवड्याच्या उत्तरार्धात पैशाच्या व्यवहारात विशेष काळजी घ्यावी लागेल. या काळात कोणत्याही जोखमीच्या योजनेत गुंतवणूक करणे टाळावे. प्रेम संबंधांच्या दृष्टीने हा आठवडा तुमच्यासाठी पूर्णपणे अनुकूल आहे. लव्ह पार्टनरसोबत परस्पर विश्वास आणि जवळीक वाढेल. जोडीदारासोबत आनंदाचे क्षण घालवण्याची संधी मिळेल.
