प्रतिनिधी : प्राध्यापिका मेघा पाटील
कोल्हापूर: 2 जानेवारी महाराष्ट्र पोलीस वर्धापनदिनानिमित्त मा. संदिप दिवाण,(भापोसे) समादेशक भारत राखीव बटालियन 3 कोल्हापूर यांचे संकल्पनेतून व सहाय्यक समादेशक गोविंद हिंगरूपे, सहाय्यक समादेशक सदानंद सदांशिव,पोलीस निरीक्षक अजय लिपारे यांच्या मार्गदर्शना खाली दिनांक 02 जानेवारी ते 08 जानेवारी 2024 पर्यंत विविध उपक्रम राबविण्यात येत असून दिनांक 05/01/2024 रोजी बिंदू चौक, कोल्हापूर येथे वाद्यवृंद पथक संचलन करण्यात आले आहे. सदर कार्यक्रमास सामान्य जनतेने उस्फूर्त प्रतिसाद दिला.
सदर कार्यक्रमाला पोलीस उपअधीक्षक जयश्री देसाई यांनी सदिच्छा भेट दिली.यावेळी त्यांनीपोलीस वाद्यवृंद पथकाचे भरभरून कौतुक केले.श्री ज्योतिबाचे गाणे,देशभक्तीपर गीते सादरीकरण करण्यात आले.बिंदू चौक येथीलसर्व नागरिकांनी या वाद्यवृंद सादरीकरणाचा आस्वाद घेतला.तसेच नागरिकांनी भरभरून कौतुक केले.
यावेळी पोलीस उपअधीक्षक जयश्री देसाई, पोलीस उपनिरीक्षक शरद डोंगरे , पोलीस कल्याण अधिकारी, पोलीस उपनिरीक्षक गणेश पवार, वाद्यवृंद मेजर सपोहवा मुकुंद साठे व वाद्यवृंद पथक पोलीस अंमलदार ,SP-9 मराठी न्यूज चॅनलचे मॅनेजिंग डायरेक्टर सागर पाटील, पोलीस अधिकारी व नागरिक यावेळी उपस्थित होते.
