Aajche Rashibhavishya 23 February 2024 : तुमच्या राशीवर ग्रहताऱ्यांचा प्रभाव कसा पडेल याबद्दल तुम्हाला उत्सकता असेलच. प्रत्येकालाच जाणून घ्यायचे असते, भविष्यात काय लिहीले आहे. नोकरी मिळणार का? माझं घर होणार का? परदेशात जावू शकतो का? गाडी खरेदी करु शकणार का? असे अनेक प्रश्न उपस्थित होत असतात. चला तर मग जाणून घेवूया, आजचे राशीभविष्य ज्योतिषी चिराग दारूवाला यांच्याकडून.
मेष – मूड खराब असेल
मेष राशीच्या लोकांसाठी आजचा दिवस समस्यांनी ग्रासलेला राहणार आहे. आज तुमचे कोणतेही काम पूर्ण न झाल्याने तुमचा मूड खराब असेल ज्यामुळे तुम्ही कुटुंबियांशी थोडे फटकून वागाल. असं असलं तरी मनात नकारात्मक विचार आणू नका. जे लोक परदेशातून व्यवसाय करतात त्यांना आज नफा मिळण्याची शक्यता आहे. प्रेम जीवनात असणारे लोक आज आपल्या कुटुंबीयांसोबत काही काळ घालवतील आणि त्यांचे प्रेम अधिक वृध्दिंगत होईल. आज मित्र मैत्रिणींसोबत हिंडण्याफिरण्याचा प्लान बनवाल.
वृषभ – रखडलेलं काम पूर्ण कराल
वृषभ राशीतील व्यवसाय करणाऱ्या लोकांना आज काही त्रासाला सामोरे जावे लागेल. आज तुम्ही मनोरंजन करण्यावर खूप खर्च कराल. यापासून तुम्ही स्वत:ला रोखलं पाहिजे. आज तुम्ही तुमचा मौल्यवान वेळ मुलांसोबत घालवाल. आज तुम्ही तुमचं एखादं रखडलेलं काम पूर्ण करण्याचा प्रयत्न कराल आणि ते पूर्ण करूनच निश्वास टाकाल. विद्यार्थ्यांना बौद्धिक आणि मानसिक ओझ्यापासून सुटका मिळेल. आज तुम्ही एखाद्या मंगल कार्यात सहभागी व्हाल जिथे तुमची ओळख एखाद्या प्रभावशाली व्यक्तीशी होईल. तुमच्या जोडीदाराची तब्बेत अचानक खालावल्यामुळे तुमच्या कामात अडथळा निर्माण होईल.
मिथुन – डॉक्टरांचा सल्ला घ्या
मिथुन राशीच्या लोकांना आजचा दिवस आर्थिक दृष्ट्या चांगला राहणार आहे. तुम्ही तुमच्या भावंडांच्या सल्ल्याने व्यवसायाशी संबंधित एखादा मोठा निर्णय घेण्याची शक्यता आहे. पण आज तुम्हाला काही लालची आणि दुष्ट लोकांपासून सावध राहण्याची गरज आहे नाहीतर ते तुम्हाला त्रास देऊ शकतात. जर तुमची एखादी देवाणघेवाण बऱ्याच काळापासून प्रलंबित राहिली होती तर ती आज पूर्ण होईल. जर तुम्हाला एखादा शारीरिक त्रास होत असेल तर लगेच डॉक्टरांचा सल्ला घ्या नाहीतर पुढे हा त्रास एखाद्या मोठ्या आजाराचं रूप धारण करू शकतो. बऱ्याच काळानंतर एका जुन्या मित्र अथवा मैत्रिणीशी गाठभेट होईल. यामुळे तुम्हाला फायदा देखील होईल.
कर्क – अडकलेला पैसा मिळेल
कर्क राशीची मंडळी आजचा दिवस मित्र मैत्रिणींसोबत मौज मजेत घालवतील. शक्य आहे की तुम्ही तुमची सर्व उर्जा नको त्या गोष्टीत लावून स्वत:लाच त्रास करून घ्याल. पण असे करू नका. तुमच्या आईशी आज एखाद्या बाबतीत भांडण होऊ शकते. घरात एखाद्या पूजा, भजन, कीर्तन इत्यादीचे आयोजन झाल्याने तुमच मन प्रसन्न होईल. एखादे वाहन घेण्याचा जर तुम्ही विचार करत असाल तर थोडे दिवस वाट पाहणे उत्तम. व्यवसायात अडकलेला पैसा मिळाल्याने तुम्हाला खूप आनंद होईल
सिंह – पैसे उधार देऊ नका
आज सिंह राशीच्या लोकांना सर्व बाबतीत यश मिळणार आहे. तुमच्या मनात जर काही विचार रेंगाळत असतील तर आज ते प्रत्यक्षात उतरतील ज्यामुळे तुम्ही खूप खुश व्हाल. मात्र आज कोणाला पैसे उधार देऊ नका नाहीतर ते पैसे परत मिळण्यात अडचणी येतील. कुटुंबातील एखाद्या सदस्याला नोकरीत मोठे पद मिळाल्याने घरात आनंदी वातावरण असेल. एखादे काम पूर्ण करण्यासाठी तुम्हाला तुमच्या दिनचर्येत बदल करावा लागेल. तेव्हाच तुम्ही ते काम पूर्ण करू शकाल. तुमच्या मनात चाललेली चलबिचल तुम्ही आपल्या आईवडिलांकडे व्यक्त कराल.
कन्या – दिलेले वचन पूर्ण करा
आजचा दिवस कन्या राशीच्या लोकांसाठी संमिश्र फळ देणारा आहे. जर तुम्हाला घरात काही बदल करायचा असेल तर घरातील वडिलधाऱ्यांशी चर्चा करून सल्ला घ्या. व्यवसायात काही नव्या योजना सुरू केल्याने तुम्हाला नफा मिळू शकतो. जर तुमच्या मुलांच्या अभ्यासात काही समस्या येत असतील तर वेळेतच त्यावर उपाययोजना करणे आवश्यक आहे. तुम्हाला तुमच्या प्रिय व्यक्तीच्या गरजांकडे लक्ष दिलं पाहिजे नाहीतर ते तुमच्यावर रुसू शकतात. तुम्ही जर तुमच्या कुटुंबातील एखाद्या सदस्याला काही वचन दिले असेल तर ते वेळेवर पूर्ण केले पाहिजे.
तूळ – विरोधक वर्चस्व गाजवतील
तूळ राशीच्या लोकांसाठी आजचा दिवस खर्च वाढवणारा राहणार आहे. तुम्ही तुमच्या सुख सुविधेच्या वस्तू खरेदी करण्यासाठीही खूप खर्च कराल. यामुळे तुमचे वरिष्ठ सदस्य नाराज होऊ शकतात. कामाच्या ठिकाणी तुम्हाला काही त्रासाला सामोरे जावे लागेल. कारण तुमचे विरोधक तुमच्यावर वर्चस्व गाजवण्याचा पूर्ण प्रयत्न करतील. सामाजिक क्षेत्रात काम करणाऱ्या लोकांनी सावध राहावे आणि जर त्यांच्यावर काही जबाबदारी टाकली जात असेल तर त्यांनी ती चांगल्या पद्धतीने पूर्ण केली पाहिजे. कोणताही निर्णय घेताना पूर्ण विचार करा नाहीतर तुमच्याकडून काहीतरी चूक होण्याची शक्यता आहे
वृश्चिक – पोटाचा त्रास होऊ शकतो
वृश्चिक राशीच्या लोकांना आज तब्बेती बाबत जागरुक राहावे लागेल. तुम्ही जास्त तळलेले अन्न टाळावे, अन्यथा तुम्हाला पोटाचा त्रास होऊ शकतो. तुमची प्रिय व्यक्ती आज तुमच्यासाठी एक भेटवस्तू घेऊन येऊ शकते, ज्यामुळे तुमच्या दोघांमधील परस्पर प्रेम आणखी वाढेल. कामाच्या ठिकाणी तुमच्या योग्यते प्रमाणे तुम्हाला काम मिळाल्याने तुम्हाला समाधान वाटेल. तुम्ही तुमच्या कुटुंबियांना बाहेर कुठे तरी फिरायला घेऊन जाल. घरी कोणी पाहुणे आल्याने घरातील खर्चात वाढ होईल. पण व्यवसायात चांगला फायदा झाल्याने तुम्ही हा खर्च सहजगत्या निभावून न्याल.
धनू – न मागता सल्ला देऊ नका
आज धनू राशीच्या कौटुंबिक व्यवसायात काही समस्या येत असेल तर वडिलधाऱ्यांच्या मदतीने ती दूर करा. कोणालाही न मागता सल्ला देऊ नका नाहीतर काहीतरी समस्या निर्माण होईल. घरात आणि बाहेर आपल्या कामाशी काम ठेवा. जर दुसऱ्यांच्या कामात विनाकारण लक्ष घातलंत तर यामुळे तुम्हाला नुकसान होऊ शकते. तुम्ही तुमच्या महत्त्वाकांक्षा पूर्ण करण्यात यशस्वी व्हाल. तुमच्या मुलांची संगत कोणाशी आहे याकडे लक्ष द्या. नाहीतर त्यांना चुकीची संगत लागू शकते ज्यामुळे नंतर तुम्हाला त्रास होऊ शकतो.
मकर – प्रवास लाभदायक ठरेल
मकर राशीच्या लोकांच्या घरातील एखादी समस्या सोडवताना दुसऱ्यांच्या भावनांची कदर करावी लागेल नाहीतर तुम्ही एखादा चुकीचा निर्णय घेऊ शकता. तुम्ही कोणताही निर्णय घेण्यात घाई करू नका. व्यवसायाच्या निमित्ताने तुम्हाला प्रवासाला निघावे लागेल. हा प्रवास तुमच्यासाठी लाभदायक ठरेल. एखाद्या बाहेरच्या व्यक्तीला तुमच्या मनातील गोष्ट सांगू नका नाहीतर ते त्याचा गाजावाजा करतील. जर तुम्ही एखाद्या बाबतीत तणावात असाल तर ती चिंता आज संपुष्टात येईल आणि तुम्हाला हायसे वाटेल.
कुंभ – आर्थिक स्थिती कमजोर राहील
कुंभ राशीच्या लोकांसाठी आजचा दिवस सुखोपभोगाच्या साधनांमध्ये वृद्धी घेऊन येणार आहे. जर तुम्ही आपल्या भावंडांकडून पैसे उधार मागितले तर तेही आज तुम्हाला सहजगत्या मिळतील. आज एखाद्या प्रिय व्यक्तीला भेटून तुम्हाला आनंद होईल. तुम्ही आर्थिक स्थिती थोडी कमजोर राहील. तुमच्या नात्यांमध्ये तुम्हाला थोडी सावधता ठेवावी लागेल नाहीतर काही त्रास होऊ शकतो. तुम्हाला वरिष्ठ सदस्यांच्या गरजा वेळेतच पूर्ण कराव्या लागतील नाहीतर ते नाराज होतील. प्रेम जीवनातील लोक आपल्या जोडीदाराच्या बोलण्यावर जाऊन चुकीच्या ठिकाणी गुंतवणूक करतील.
मीन – आसपासचे लोक त्रास देतील
मीन राशीचे जे लोक व्यवसाय करतात त्यंनी आज सावध आणि सतर्क राहण्याची आवश्यकता आहे. आज मुलांच्या शिक्षणावर खूप पैसे खर्च करावे लागू शकतात तेव्हाच ते एखाद्या यशाच्या शिखराला गवसणी घालू शकतात. जोडीदाराच्या बिघडणाऱ्या तब्बेतीमुळे तुमच्या काही योजनांना सध्या थांबवावे लागू शकते. कारण तुम्हाला त्यांची शुश्रुषा करावी लागेल अन्यथा काही तरी समस्या निर्माण होईल. तुमच्या आसपासचे लोक तुम्हाला त्रास देण्याची शक्यता आहे. त्यांच्यापासून सांभाळून राहा.
