प्रतिनिधी जानवी घोगळे
सावित्रीबाई फुले आधार योजनेसाठी अर्ज करावेत
कोल्हापूर, दि. 31 (जिमाका): राज्यातील इतर मागासवर्ग, विमुक्त जाती, भटक्या जमाती व विशेष मागास प्रवर्गातील उच्च शिक्षण घेणाऱ्या विद्यार्थ्यांसाठी असलेल्या शासकीय वसतिगृह प्रवेशासाठी व वसतिगृह योजनेपासून वंचित असलेल्या विद्यार्थ्यांना पंडित दिनदयाल उपाध्याय स्वयंम योजना व ज्ञानज्योती सावित्रीबाई फुले आधार योजनेसाठी प्रवेश अर्ज https://hmas.mahait.org या शासनाच्या ऑनलाईन संकेतस्थळावर अर्ज करावे, असे आवाहन इतर मागास बहुजन कल्याणच्या, सहायक संचालक सुनिता नेर्लीकर यांनी केले आहे.
बी.ए./बीकॉम/बी.एस.सी. अशा 12 वी नंतरच्या अभ्यासक्रमामध्ये प्रवेश घेतलेल्या पदवी आणि एम.ए./एम.एस.एस.सी. असे पदवी नंतरचे पदव्युत्तर अभ्यासक्रम (व्यावसायीक अभ्यासक्रम वगळून) प्रवेशासाठी अर्ज दिनांक 1 ते 17 ऑगस्ट 2025 पर्यंत करावे. छाननी चा कालावधी 18 ते 21 ऑगस्ट 2025 पर्यंत आहे. पहिली निवड यादी गुणवत्तेनुसार अंतिम करणे व प्रसिध्दीचा दिनांक 22 ऑगस्ट 2025 असणार आहे. पहिली निवड यादीनुसार प्रवेशाची अंतिम मुदत दिनांक 4 सप्टेंबर 2025 पर्यंत आहे तसेच रिक्त जागेवर दुसऱ्या प्रतिक्षा यादीमधील विद्यार्थ्यांची गुणवत्तेनुसार निवड यादी दिनांक 5 सप्टेंबर 2025 रोजी होणार आहे. तर दुसऱ्या निवड यादीतील विद्यार्थ्यांना प्रवेशाची अंतिम मुदत दिनांक 15 सप्टेंबर 2025 असणार आहे.
या योजनेसाठी पात्र असणाऱ्या इतर मागासवर्ग, विमुक्त जाती, भटक्या जमाती व विशेष मागास प्रवर्गातील उच्च शिक्षण घेणाऱ्या विद्यार्थ्यांनी नमूद कालावधीत https://hmas.mahait.org या शासनाच्या संकेतस्थळावर अर्ज करावेत तसेच अधिक माहितीसाठी सहायक संचालक, इतर मागास बहुजन कल्याण (तिसरा मजला) कोल्हापूर. डॉ. बाबासाहेब आंबेडकर सामाजिक न्याय भवन विचारे माळ, बाबर हॉस्पीटल जवळ, कोल्हापूर या कार्यालयाशी संपर्क साधावा.
