कोल्हापूर प्रतिनिधी : पांडुरंग फिरिंगे
विवेकानंद महाविद्यालय, कोल्हापूर येथील भौतिकशास्त्र विभागातील संशोधक विद्यार्थिनी कु. ऋतुजा अनिल एकुंडे यांनी उल्लेखनीय यशाची नोंद करत “प्रा. सी. डी. लोखंडे एण्डोमेंट चॅरिटेबल ट्रस्ट रिसर्च फेलोशिप 2025–26” ही प्रतिष्ठित संशोधन फेलोशिप प्राप्त करून महाविद्यालयाचा मान वाढविला आहे.
कु. ऋतुजा या डॉ. संजय लठ्ठे यांच्या मार्गदर्शनाखाली पीएचडी संशोधन करीत असून त्यांचा संशोधन प्रकल्प —
‘फोटोथर्मल सुपरहायड्रोफोबिक कोटिंग्स फॉर सेल्फ-क्लीनिंग अँड सेल्फ-स्टेरिलायझिंग ॲप्लिकेशन्स’
— या आधुनिक आणि उपयोजित विषयावर आधारित आहे. पर्यावरणपूरक तंत्रज्ञान आणि स्वच्छता-आरोग्य क्षेत्रातील उपयोग यामुळे या संशोधनाला विशेष महत्त्व प्राप्त झाले आहे.
या फेलोशिपचा सत्कार समारंभ डी. वाय. पाटील एज्युकेशन सोसायटी, कोल्हापूर येथे झाला.
या प्रसंगी स्वतः प्रा. सी. डी. लोखंडे, डीन – डी. वाय. पाटील युनिव्हर्सिटी, कोल्हापूर यांच्या हस्ते कु. ऋतुजा यांचा यथोचित गौरव करण्यात आला.
कार्यक्रमाला प्रा. डॉ. पी. एस. पाटील, रिसर्च डायरेक्टर – डी. वाय. पाटील युनिव्हर्सिटी, कोल्हापूर तसेच
प्रा. एस. डी. सरताळे, विभागप्रमुख – भौतिकशास्त्र विभाग, सावित्रीबाई फुले पुणे विद्यापीठ हे विशेष मान्यवर म्हणून उपस्थित होते.
कु. ऋतुजा यांच्या या यशामागे महाविद्यालयाचे प्राचार्य डॉ. एस. पी. थोरात,
IQAC प्रमुख डॉ. श्रुती जोशी,
संस्थेचे कार्याध्यक्ष प्राचार्य अभयकुमार साळुंखे,
सचिव प्राचार्या शुभांगी गावडे,
सीईओ श्री. कौस्तुभ गावडे,
प्रबंधक श्री. सचिन धनवडे
यांचे सातत्यपूर्ण मार्गदर्शन, प्रोत्साहन आणि सहकार्य लाभले.
कु. ऋतुजा एकुंडे यांच्या या उल्लेखनीय यशाबद्दल महाविद्यालयात सर्वत्र आनंद व्यक्त होत असून भविष्यातही त्या संशोधन क्षेत्रात उत्तुंग यश मिळवोत, अशा शुभेच्छा व्यक्त केल्या जात आहेत.
