केर्ली (ता. करवीर) :अखंड माणुसकी जपावी, सेवेसाठी काया झिजवावी असे उदात्त संस्कार देणाऱ्या मातोश्री कै. भारती अशोक पोवार यांच्या १३ व्या स्मृतिदिनानिमित्त तसेच मा. विश्वनाथ अशोक पोवार यांच्या वाढदिवसाचे औचित्य साधून भव्य रक्तदान शिबिरा’चे आयोजन करण्यात आले आहे. हा सामाजिक उपक्रम सोमवार, दि. १५ डिसेंबर २०२५ रोजी सकाळी ८ ते सायंकाळी ६ वाजेपर्यंत आयोजित करण्यात आला असून धय्याप्पा मंदिर, माळवाडी, केर्ली येथे हा उपक्रम संपन्न होणार आहे.रक्तदान हे केवळ दान नसून एखाद्या गरजू रुग्णासाठी जीवनदायी ठरणारी संजीवनी असल्याने या शिबिरास नागरिकांचा उत्स्फूर्त प्रतिसाद मिळावा, असा आयोजकांचा विश्वास आहे. “आपल्या रक्ताचा एक थेंब कोणाच्या तरी आयुष्याला नवे बळ देऊ शकतो” या भावनेतून या उपक्रमाचे आयोजन करण्यात आले असून समाजातील प्रत्येक घटकाने या मानवतावादी कार्यात पुढाकार घ्यावा, असे आवाहन करण्यात आले आहे.या रक्तदान शिबिरात तज्ज्ञ वैद्यकीय पथकाच्या देखरेखीखाली सुरक्षित पद्धतीने रक्तसंकलन केले जाणार असून रक्तदात्यांसाठी आवश्यक वैद्यकीय तपासणी, मार्गदर्शन तसेच अल्पोपहाराचीही व्यवस्था करण्यात आली आहे. युवक, महिला, सामाजिक कार्यकर्ते, विविध संस्था तसेच सर्वसामान्य नागरिकांनी मोठ्या संख्येने सहभागी होऊन या उपक्रमाला यशस्वी करावे, असे आयोजकांच्या वतीने नम्र आवाहन करण्यात आले आहे.‘रक्तदान हेच सर्वश्रेष्ठ दान’ या विचाराने प्रेरित होऊन हा उपक्रम राबविण्यात येत असून कै. भारती अशोक पोवार यांच्या स्मृतीस आदरांजली अर्पण करण्याचा हा एक सामाजिक मार्ग असल्याची भावना आयोजकांनी व्यक्त केली आहे.अधिक माहितीसाठी व सहभाग नोंदविण्यासाठी**मा. विश्वनाथ अशोक पोवारजनसंपर्क कार्यालय**यांच्याशी संपर्क साधावा, असे आवाहन करण्यात आले आहे.
