सकल हिंदू समाजाचा संतप्त इशारा; दोषींना १० वर्षे सक्तमजुरीची मागणी
कोल्हापूर | प्रतिनिधी : पांडुरंग फिरिंगे
हिंदवी स्वराज्याचे संस्थापक, राष्ट्रपुरुष छत्रपती श्री शिवाजी महाराज यांच्या प्रतिमेची विटंबना म्हणजे केवळ एका मूर्तीचा अपमान नसून, संपूर्ण हिंदू समाजाच्या अस्मितेवर, इतिहासावर व श्रद्धेवर केलेला थेट घातक हल्ला असल्याची तीव्र प्रतिक्रिया व्यक्त होत आहे.
कुंभोज (ता. हातकणंगले, जि. कोल्हापूर) येथे दि. २६ डिसेंबर २०२५ रोजी जाणीवपूर्वक व कटकारस्थानपूर्वक छत्रपती शिवाजी महाराजांच्या प्रतिमेची विटंबना करण्यात आली. या निंदनीय कृत्यामुळे राज्यभर संतापाची लाट उसळली असून, सकल हिंदू समाजामध्ये तीव्र असंतोष पसरला आहे.
या गंभीर घटनेच्या निषेधार्थ तसेच बांगलादेशमध्ये हिंदू समाजावर होत असलेल्या अमानुष अत्याचारांविरोधात आवाज उठवण्यासाठी दि. ५ जानेवारी २०२६ रोजी सकाळी ११ वाजता
जिल्हाधिकारी कार्यालय, कोल्हापूर येथे जिल्हाधिकाऱ्यांना निवेदन देण्यात येणार आहे.
कडक कायदा नसेल तर अशा घटना थांबणार नाहीत — सकल हिंदू समाज
निवेदनाद्वारे सकल हिंदू समाजाने ठाम भूमिका घेत स्पष्ट इशारा दिला आहे की,
राष्ट्रीय प्रतीके, देवता व ऐतिहासिक महापुरुषांचा अपमान करणाऱ्यांवर किमान १० वर्षे सक्तमजुरीची शिक्षा कायद्यात बंधनकारक करण्यात यावी.
अशा विकृत मानसिकतेला पाठीशी घालणाऱ्यांवरही तितकीच कठोर कारवाई व्हावी.
शासनाने नरमाईची भूमिका घेतल्यास हिंदू समाज रस्त्यावर उतरल्याशिवाय राहणार नाही.
शासनाला इशारा
हिंदू समाजाच्या श्रद्धा, इतिहास आणि अस्मितेवर वारंवार होणारे हल्ले थांबवण्यासाठी तातडीने कठोर पावले उचलली नाहीत, तर याचे गंभीर परिणाम शासनाला भोगावे लागतील, असा संतप्त इशारा यावेळी देण्यात आला.
उपस्थित कार्यकर्ते
या आंदोलनात दीपक देसाई (हिंदुस्तान आंदोलन – जिल्हाध्यक्ष) यांच्यासह
अजित देवमोरे, शिवानंद स्वामी, संदीप सासणे, निलेश शिंदे, शिरीष शिंदे, निखिल उलपे, निरंजन शिंदे, विक्रम जरग, गजानन तोडकर आदी कार्यकर्ते सहभागी झाले होते.
छत्रपती शिवाजी महाराजांचा अपमान सहन केला जाणार नाही — हा लढा केवळ निषेधाचा नाही, तर हिंदू अस्मितेच्या रक्षणाचा आहे, अशी ठाम भूमिका सकल हिंदू समाजाच्या वतीने मांडण्यात आली.
