कोल्हापूर प्रतिनिधी : पांडुरंग फिरंगे
महाराष्ट्र हिंदी परिषदेच्या वतीने विवेकानंद कॉलेज, कोल्हापूर येथील हिंदी विभागाचे सहाय्यक प्राध्यापक डॉ. दीपक तुपे यांना प्रतिष्ठित डॉ. देवीदास बामणे ‘संघर्ष’ अनुवाद पुरस्कार प्रदान करून गौरविण्यात आले.
विवेकानंद कॉलेज व महाराष्ट्र हिंदी परिषदेच्या संयुक्त विद्यमाने आयोजित ३२ वे अधिवेशन व दोन दिवसीय राष्ट्रीय चर्चासत्राच्या समारोपप्रसंगी हा पुरस्कार प्रदान करण्यात आला. शिवाजी विद्यापीठाच्या हिंदी विभागाचे माजी विभागप्रमुख व ज्येष्ठ इतिहासतज्ज्ञ डॉ. वसंत मोरे यांच्या हस्ते डॉ. तुपे यांना रोख रक्कम, सन्मानपत्र, सन्मानचिन्ह, शॉल व श्रीफळ देऊन सन्मानित करण्यात आले.
यावेळी पुण्यश्लोक अहिल्याबाई होळकर सोलापूर विद्यापीठाचे माजी कुलगुरू डॉ. इरेश स्वामी, महाराष्ट्र हिंदी परिषदेचे अध्यक्ष डॉ. अनिल काळे, मुख्य सचिव डॉ. गजानन चव्हाण, डॉ. बाबासाहेब आंबेडकर मराठवाडा विद्यापीठातील हिंदी विभागाचे माजी विभागप्रमुख प्रा. डॉ. चंद्रदेव कवडे, विवेकानंद कॉलेजचे प्रभारी प्राचार्य डॉ. संजय थोरात, शिवाजी विद्यापीठातील हिंदी विभागाचे माजी प्रमुख डॉ. पांडुरंग पाटील, सावित्रीबाई फुले पुणे विद्यापीठाचे माजी विभागप्रमुख डॉ. गजानन चव्हाण, डॉ. माधवी जाधव, आयक्यूएसी समन्वयक डॉ. श्रुती जोशी, डॉ. पंढरीनाथ पाटील, डॉ. देवीदास बामणे, डॉ. नाजिम शेख, डॉ. भाऊसाहेब नवले, डॉ. सुरेश शेळके, डॉ. विठ्ठलसिंह ढाकरे आदी मान्यवर उपस्थित होते.
डॉ. दीपक तुपे यांना पदवी व पदव्युत्तर स्तरावर १५ वर्षांचा अध्यापनाचा अनुभव आहे. त्यांनी यूजीसीच्या तीन बृहत संशोधन प्रकल्पांमध्ये प्रकल्प सहाय्यक म्हणून काम केले असून दोन लघु संशोधन प्रकल्प पूर्ण केले आहेत. तसेच त्यांनी दैनिक लोकमतच्या कोल्हापूर व पुणे आवृत्त्यांमध्ये संवाददाता, अनुवादक व उपसंपादक म्हणून कार्य केले आहे.
त्यांची सहा पुस्तके व ८० संशोधन निबंध प्रकाशित झाले असून त्यांनी राष्ट्रीय व आंतरराष्ट्रीय स्तरावर विविध सामाजिक व शैक्षणिक विषयांवर पन्नासहून अधिक व्याख्याने दिली आहेत. सध्या ते संशोधन मार्गदर्शक म्हणूनही कार्यरत आहेत.
यापूर्वी त्यांना लोकमत प्रेरणादायी व्यक्तिमत्त्व पुरस्कार (२०२२), भारतेंदु हरिश्चंद्र राष्ट्रभाषा हिंदी गौरव सन्मान (२०२२) आणि हिंदी रत्न सन्मान (२०२५) या पुरस्कारांनी गौरविण्यात आले आहे. त्यांच्या या नव्या सन्मानाबद्दल सर्व स्तरांतून अभिनंदनाचा वर्षाव होत आहे.
फोटो ओळ :
महाराष्ट्र हिंदी परिषदेच्या वतीने डॉ. दीपक तुपे यांना डॉ. देवीदास बामणे ‘संघर्ष’ अनुवाद पुरस्कार प्रदान करताना शिवाजी विद्यापीठाच्या हिंदी विभागाचे माजी विभागप्रमुख व ज्येष्ठ इतिहासतज्ज्ञ डॉ. वसंत मोरे. सोबत पुण्यश्लोक अहिल्याबाई होळकर सोलापूर विद्यापीठाचे माजी कुलगुरू डॉ. इरेश स्वामी, महाराष्ट्र हिंदी परिषदेचे अध्यक्ष डॉ. अनिल काळे, मुख्य सचिव डॉ. गजानन चव्हाण, प्रा. डॉ. चंद्रदेव कवडे, डॉ. पांडुरंग पाटील व डॉ. गजानन चव्हाण.
