Aaj Ka Rashifal 7 December 2023: भविष्यात काय लिहीलं आहे ते समजलं असतं तर असा विचार आपण नेहमीच करतो. तुम्हाला ही जाणून घ्यायचं आहे तुमच्या राशीत काय लिहीलंय. कोणाला मिळणार प्रमोशन तर कोणाला मिळणार बॉस कडून ओरडा? व्यवसायाता होणार नफा की परेदशात जाण्याच योग येणार? ग्रह ताऱ्यांचे संक्रमण शुभ योगात आहे का? कसा आहे आजचा तुमचा दिवस? चला तर मग जाणून घेवूया, आजचे राशीभविष्य ज्योतिषी चिराग दारूवाला यांच्याकडून.
मेष राशीसाठी दिवस उत्तम
आज तुमच्यासाठी अतिशय उत्तम दिवस आहे. तुमच्या बुद्धिमत्तेचा आणि ज्ञानाचा वापर करून तुमची आर्थिक स्थिती मजबूत करण्यासाठी विविध योजना हाती घ्याल आणि त्यात तुम्हाला यश मिळेल. घरातल्यांच्या सर्व अपेक्षा तुम्ही पूर्ण करणार आहात मात्र व्यावसायिकांना अडचणीचा सामना करावा लागेल.आज कोणावरही आंधळेपणाने विश्वास ठेवू नये, अन्यथा फसवणूक होऊ शकते. आज तुम्ही तुमच्या कार्यक्षमतेने सर्व समस्या सहज सोडवाल. आई-वडिलांचे आशिर्वाद सैदव तुमच्या सोबत असणार आहेत त्यामुळे कामे यशस्वी होतील. खूप दिवसांपासून मानसिक तणावाचा सामना करत असाल तर आज तुम्हाला त्यातूनही आराम मिळेल.
आज नशीब ९८% तुमच्या बाजूने असेल. पिंपळाच्या झाडावर दुधात पाणी मिसळून अर्पण करा.
वृषभ राशीने ऑफिसच्या कामात लक्ष द्यावे
आज ऑफिसमध्ये तुमचे काम आणि सामान या दोन्ही गोष्टींवर नीट लक्ष ठेवायला हवं अन्यथा मोठं नुकसान होवू शकतं. कुटुंबातील जमिनीशी संबंधित कोणत्याही समस्येवर तुमच्या वडील आणि भावांचा सल्ला घेऊ शकता. आज सामाजिक क्षेत्रात काम करणाऱ्या लोकांना काही सामाजिक परिषदांमध्ये सहभागी होण्याची संधी मिळेल. आज तुम्ही तुमच्या नातेवाईकाच्या घरी संध्याकाळी जाऊ शकता. आज तुम्हाला तुमच्या नोकरीमध्ये महिला सहकारी मदत करेल त्यामुळे तुम्हाला चांगली बातमी ऐकायला मिळेल.
आज नशीब ७७% तुमच्या बाजूने असेल. पिठाचे गोळे माशांना खायला द्यावे.
मिथुन राशीसाठी चांगली बातमी मिळणार
विद्यार्थ्यांसाठी आजचा दिवस चांगला जाणार असून परदेशात शिकण्यासाठी कोणतीही परीक्षा दिली असती तर तुम्ही त्यात नक्की यशस्वी होणार. कुटुंबाच्या तुमच्याकडून खूप अपेक्षा आहेत आणि त्या पूर्ण झाल्या नाहीत तर तुम्हालाच खूप त्रास सहन करावा लागणार आहे. कुटुंबातील सदस्यांसह देवदर्शनासाठी जावू शकता. आज तुम्ही दैनंदिन गरजांसाठी खरेदी करु शकता. त्यात जीवनावश्यक वस्तूंची जास्त खरेदी कराल.
आज नशीब ७३% तुमच्या बाजूने असेल. गायत्री चालीसाचे पठण करा.
कर्क राशीसाठी गुंतवणूक फायदेशीर
ऑफिसमध्ये तुम्हाला काही खास काम दिले जाईल.तुमच्या सहकारी कर्मचाऱ्यांच्या
मदतीने तुम्ही ते काम संध्याकाळपर्यंत पूर्ण करण्यात यशस्वी व्हाल आणि वरिष्ठांना दाखवून द्याल तुम्ही एक कार्यक्षम कर्मचारी आहात. आज जे काम हाती घेणार ते पूर्ण करणारच असं आज घडणार आहे. यामुळे तुमचे मनोबल वाढणार आहे. आज तुम्ही संपत्ती वाढवण्यासाठी कुठेतरी गुंतवणूक करत असाल तर ते तुमच्यासाठी फायदेशीर ठरेल. मुलांच्या शिक्षणाशी संबंधित काही समस्या असेल तर तेही आज सोडवले जाऊ शकते.
आज नशीब ९२% तुमच्या बाजूने असेल. बजरंगबली हनुमानजींना सिंदूर अर्पण करा.
सिंह राशीसाठी खर्चात वाढ होणार
तुमच्या व्यवसायात एखाद्याला भागीदार करुन घ्यायचे असेल तर त्याच्याबद्दल संपूर्ण माहिती घेऊन, ज्येष्ठांचा सल्ला घेवून पुढे जावे, अन्यथा भविष्यात ती व्यक्ती तुम्हाल फसवू शकते. आज नवीन खर्च वाढणार आहेत त्यामुळे तुम्ही काळजीत असाल. कुटुंबातील लहान मुले तुमच्याकडून काही मागण्या करू शकतात, ज्या तुम्ही पूर्ण कराल. वडिलांच्या डोळ्यांशी संबंधित काही समस्या असेल तर ती आज वाढू शकते, म्हणून वेळेवर वैद्यकीय सल्ला घ्या.
आज नशीब ६१ % तुमच्या बाजूने असेल. भगवान विष्णूची पूजा करा.
कन्या राशीने कामे वेळत पूर्ण करावीत
तुमच्या व्यवसायाच्या प्रगतीसाठी काही नवनवी उपक्रमांचा शोध तुम्ही घ्याल. त्यामुळे काही कामे तुम्ही पुढे ढकलू शकता,परंतु तुम्हाला लक्ष द्यावे लागेल. एखादे कायदेशीर काम असेल तर ते जास्त काळ पुढे ढकलू नये, अन्यथा तुमच्यासाठी अडचणी निर्माण होऊ शकते. तुम्ही आज कोणतीही मालमत्ता खरेदी किंवा विक्री करण्याचा विचार करत असाल, तर त्या संदर्भातील विविध पैलुंचा अभ्यास करा आणि व्यवस्थित त्याचे परीक्षण करा. तुमच्या कुटुंबातील सदस्यांसोबत चर्चा केल्यानंतरच करार करा. लवलाइफ चांगली असेल घरातल्यांकडून आशीर्वाद आणि विवाहासाठी होकार मिळेल.
आज नशीब ७४% तुमच्या बाजूने राहील. विष्णु सहस्त्रनामाचा पाठ करा.
तुळ राशीने सासरसोबतचा वाद मिटवावा
तुमच्या मनात कोणाबद्दलही चुकीचे विचार येत असतील ते दूर करण्याचा प्रयत्न करा. सासरच्या मंडळींसोबत वाद असेल तर आजच संपवण्याचा प्रयत्न करावा लागेल. आज नोकरीत तुमच्या आवडीचे काम तुम्हाला मिळाल्यामुळे सहकाऱ्यांचा मूड खराब होऊ शकतो. आज तुम्ही कुटुंबीयांसह नातेवाईकांकडे एखाद्या शुभ समारंभात सहभागी होऊ शकता.
आज भाग्य ६८% तुमच्या बाजूने असेल. पिंपळाच्या झाडाखाली दिवा लावावा.
वृश्चिक राशीने मधुर वाणीचा वापर करावा
व्यवसाय करण्याची जशी एक कला असते त्याचप्रमाणे व्यवसायात संवाद साधण्याची सुद्धा एक कला असते, बोलताना नेहमी तुम्ही मधुर वाणीचा वापर करा आणि तुमचं डोकं शांत ठेवा. हे तुम्हाला शिकून घ्यावं लागेल तरच तुम्ही व्यवस्थित व्यवसाय करु शकता. कोणाच्या बोलण्यामुळे तुमचे मन दुखावले तर त्या व्यक्तीवर तुम्ही रागावू नका. तुमच्या कामाकडे लक्ष द्या. कोणतीही अडचण आली तरी तुम्हाला धैर्याने त्याचा सामना करावा लागेल तरच समस्येचे समाधान तुम्हाला मिळेल. संध्याकाळी जोडीदारासोबत शॉपिंगचा प्लॅन दिसतो आहे पण अंथरुण पाहून पाय पसरावेत हे लक्षात ठेवा. मिळकतीकडे लक्ष देवून खर्च करावा लागेल.
आज नशीब ७४% तुमच्या बाजूने असेल, गरजू लोकांना मदत करा.
धनु राशीसाठी शुभ दिवस असून प्रमोशन होणार
मुलांच्या शिक्षणाशी संबंधित काही समस्येमुळे तुमचा ताण वाढेल. नोकरदारांसाठी चांगली बातमी आहे पगारवाढी होणार आहे त्यामुळे तुमचा मूड चांगला असेल. नोकरीत, व्यवसायाच्या ठिकाणी किंवा घरात कोणताही वाद निर्माण झाला तर तुम्हाला तुमच्या बोलण्यातला गोडवा ठेवावा लागणार आहे. त्यामुळे इतरांच्या मनात तुमच्याबद्दल आदर वाढेल, अन्यथा नात्यात दुरावा येवू शकतो किंवा ठिणगीचे रुपांतर वणव्यात होवू शकते. कोणताही निर्णय घेण्यापूर्वी तुम्हाला मन आणि बुद्धी काय म्हणते त्याचा विचार करा. कोणाच्या बोलण्याने प्रभावित होवून निर्णय घेवू नका.
आज नशीब ९६% तुमच्या बाजूने असेल. माता सरस्वतीची पूजा करा.
मकर राशीने ज्येष्ठांचे मार्गदर्शन घ्यावे
व्यवसाया थोडा संथ गतीने सुरु असल्यामुळे तुम्ही काळजीत असाल परंतु जर तुम्ही वडिलांचा सल्ला घेऊन व्यवसायात काही नवीन बदल केले, तर ते तुमच्यासाठी फायदेशीर ठरेल. ऑफिसमधील ताणतणावामुळे घरी जोडीदारासोबत वाद होऊ शकतो, पण तसे करू नये. जोडीदार रागावला असेल किंवा रागावली असेल तर समजूत काढण्याचा सर्वतोपरी प्रयत्न करा. आज कामात काहीतरी नवीन करण्याचा प्रयत्न करा. संध्याकाळी तुम्हाला काही कटू गोष्टी ऐकू येतील पण टेन्शन घेवू नका, सर्व काही ठिक होणार आहे.
आज नशीब ९१ % तुमच्या बाजूने असेल. गणपतीला लाडू अर्पण करा.
कुंभ राशीच्या व्यक्ती धार्मिक कार्यात सहभाग घेतील
आज तुम्ही भविष्याबाबत थोडे संभ्रमात असाल, ज्यामुळे तुमची चिंता वाढेल. तुम्ही तुमच्या एखाद्या प्रिय मित्राचा सल्ला घ्याल, जो तुम्हाला उत्तम मार्गदर्शन करेल. तुमच्या जोडीदाराला एखाद्या नवीन व्यवसायाची माहिती तसचे ओळख करुन द्यायची असेल तर आजची वेळ शुभ आहे. कामाच्या ठिकाणी बदलाची परिस्थिती असेल, पण तुम्हाला ती ओळखावी लागेल, तरच तुम्ही त्याचा फायदा घेऊ शकाल तर उत्तम आहे. आज तुम्ही धार्मिक कार्यात सक्रियपणे सहभागी व्हाल, ज्याचा तुम्हाला नक्कीच फायदा होईल.
आज नशीब ७६% तुमच्या बाजूने असेल. भगवान श्रीकृष्णाची पूजा करा.
मीन राशीने मनातील नकारात्मक विचार काढून टाकावेत
आज मनातील नकारात्मक विचार काढून टाका, मन चिंती ते वैरी न चिंती हे कायम
लक्षात ठेवा. तुम्ही तुमची सर्व कामे सहजपणे पूर्ण करू शकाल. व्यावसायिकांना आज रोख रकमेचा तुटवडा जाणवू शकतो, ज्यामुळे काहीप्रमाणात तुमची गैरसोय होणार आहे. तुम्हाला तुमच्या एखाद्या नातेवाईकासाठी काही पैशांची व्यवस्था करावी लागेल.आज एखाद्याला सल्ला देण्यापूर्वी तुमच्या मार्गदर्शनामुळे त्याचे नुकसान होणार नाही याची काळजी तुम्हाला घ्यावी लागेल. आज सासरच्या मंडळींकडून भेटवस्तू मिळू शकते.
आज ७८ % नशीब तुमच्या बाजूने असेल.लक्ष्मी मातेची पूजा करा.
