Aarthik Rashibhavishya, 22 December 2023: शुक्रवार, 22 डिसेंबर रोजी भरणी नक्षत्रातील सर्वार्थ सिद्धी योग आणि रवी योगाचे फायदे दिवसभर दिसून येणार आहेत. या शुभ योगायोगात शुक्रवारी माता लक्ष्मीच्या कृपेने कर्क आणि तुला राशीच्या लोकांना आर्थिक लाभ होईल. या राशीच्या लोकांना धन आणि मान- सन्मान मिळेल. चला जाणून घेऊया मेष ते मीन राशीपर्यंत सर्व राशींसाठी शुक्रवार कसा राहील.
मेष राशीला बँकेकडून कर्ज मिळेल
मेष राशीच्या लोकांना नशिबाची चांगली साथ मिळणार असून सर्व योजना अगदी सहजपणे पूर्ण होतील. कामाच्या ठिकाणी तुमचा सन्मान होण्याची शक्यता आहे. जर तुम्ही बँकेकडून कर्ज घेण्याचा विचार करत असाल तर तुम्हाला फायदा होईल. तुमच्या कामात जुन्या मित्रांची साथ मिळेल.सासरकडील लोकांकडून तुम्हाला योग्य ते सहकार्य मिळेल आणि तुमच्या योजना यशस्वी होतील.
वृषभ राशीची रखडलेली कामे पूर्ण होतील
वृषभ राशीच्या लोकांचा दिवस खूप व्यस्त असेल आणि तुमची रखडलेले कामे पूर्ण होतील. आज धावपळ करताना तुम्ही काळजी घ्या अन्यथा तुम्हाला दुखापत होवू शकते. तुमच्या निर्णय क्षमतेचा फायदा होईल आणि दीर्घ काळापासून प्रलंबित असलेली योजना पुन्हा सुरू होऊ शकतात. तुम्ही तुमचे काम सहजपणे कराल. एखाद्या व्यवसायात पैसे गुंतवण्यासाठी आजचा दिवस चांगला आहे. संध्याकाळी एखाद्या सामाजिक कार्यक्रमात सहभागी होणार आहात.
मिथुन राशीचा खर्च आज जास्त वाढणार
मिथुन राशीच्या लोकांचा खर्च आज जरा जास्त वाढणार आहे. त्यामुळे तुमच्या अडचणी देखील वाढण्याची शक्यता आहे.तसेच तुमची काही कामे अपूर्ण राहतील. धर्म आणि अध्यात्मात तुमची रुची वाढेल आणि व्यवसायात देखील फायदा होईल. मुलांच्या बाजूने चांगली बातमी मिळेल. सायंकाळपासून रात्रीपर्यंत काही महत्त्वाच्या सामाजिक कार्यात तुम्ही सक्रिय सहभाग घेणार आहात.
कर्क राशीला नशिबाची चांगली साथ
कर्क राशीच्या लोकांचा आजचा दिवस नशिबाच्या दृष्टीकोनातून चांगला आहे. तुमची धनसंपत्ती वाढणार असून मान-सन्मान देखील वाढणार आहे. रखडलेली कामे सहज पूर्ण होतील आणि नशिबाची चांगली साथ तर आहेच. मुलावरील तुमचा विश्वास दृढ होईल. आज तुम्हाला आईकडून प्रेम आणि सहकार्य मिळेल. आज तुम्ही काही पैसे स्वतःवर खर्च करणार आहात त्यामुळे तुमचे विरोधक अस्वस्थ होतील. आई-वडिलांचे आशीर्वाद मिळतील. कोणत्याही शुभ कार्याची सुरुवात करण्यापूर्वी त्यांचा आशिर्वाद नक्की घ्या.
सिंह राशीने रागावर नियंत्रण ठेवावे
सिंह राशीच्या लोकांसाठी आजचा दिवस ठिक ठिक असणार आहे. आज थोडी मानसिक अस्वस्थत जाणवणार आहे. त्यामुळे कोणतेही काम तुम्हाला करावेसे वाटणार नाही. आई-वडिलांच्या पाठिंब्यामुळे आणि आशीर्वादाने दिवसाच्या उत्तरार्धात तुम्हाला थोडासा दिलासा मिळेल. सासरच्यामंडळींकडून आज नाराजीचे संकेत आहेत फक्त तुम्ही रागावू नका आणि मधुर वाणीचा वापर करा. अन्यथा नात्यात कटुता येऊ शकते. आरोग्याशी संबंधित समस्यांना सामोरे जावे लागू शकते. काळजी घ्या आणि वेळेवर वैद्यकिय सल्ला घ्या.
कन्या राशीला आर्थिक बाबतीत फायदा
कन्या राशीच्या लोकांना आर्थिक बाबींमध्ये फायदा होईल आणि तुमची कामे सहज पूर्ण होतील. कोणताही निर्णय घेण्याची आणि प्रत्येक काम वेळेत पूर्ण करण्याचे कौशल्य आणि धाडस तुमच्यात आहे. तुम्हाला आई-वडिलांची संपूर्ण साथ मिळणार असून तुम्ही त्यांच्याशी आपल्या मनातील गोष्टी बोलू शकाल. एखाद्याच्या आजारपणावर तुम्ही खर्च करणार आहात, त्यामुळे आज खर्च वाढणार आहेत. तुम्ही एखाद्या व्यक्तीचे भले करण्याचा विचार कराल पण लोक त्याचा विचित्र अर्थ काढतील किंवा तुम्हाला स्वार्थी म्हणतील तुम्ही लक्ष देवू नका. तुम्हाला व्यवसायात फायदा होणार आहे.
तुळ राशीसाठी धनप्राप्तीचा शुभयोग
तुळ राशीच्या लोकांसाठी आजचा दिवस पैशाच्या बाबतीत शुभ आहे. तुमचे अधिकार आणि संपत्ती दोन्ही वाढेल. आजचा दिवस इतरांची महत्त्वाची कामे पूर्ण करण्यात व्यतीत होईल. तुम्हाला गुरुबद्दल पूर्ण भक्ती आणि निष्ठा असेल तसेच कामे पूर्ण करण्यात तुमचे मन व्यस्त असेल.आज नवीन कामांमध्ये गुंतवणूक करायची असेल तर ते शुभ राहील.
वृश्चिक राशीचे मन अशांत राहणार
वृश्चिक राशीच्या लोकांचे मन आज काही कारणास्तव अशांत राहील आणि तुम्हाला असे वाटेल की तुमचा खूप गोंधळ होतो आहे. व्यवसाय वाढीसाठी केलेले प्रयत्न निष्फळ ठरू शकतात आणि इतरांमुळे आज थोडा त्रास होऊ शकतो. शत्रूच्या बाजूने विजय मिळवण्यात तुम्ही यशस्वी व्हाल आणि कायदेशीर वादात यश मिळेल. एखादा खटला प्रलंबित असेल तर आज त्याचा निकाल लागेल आणि तुम्ही त्यात विजयी होणार आहात.
धनु राशीसाठी लाभदायक दिवस
धनु राशीच्या लोकांसाठी आजचा दिवस लाभदायक असून आज तुमच्या ज्ञानात आणि अनुभवात भर पडणार आहे.रखडलेल्या योजनांमध्ये तुम्हाला फायदा होईल आणि यश मिळेल. तुमच्यात दान, पुण्य आणि परोपरकाराची भावना विकसीत होईल. धार्मिक कामे आवडीने पूर्ण कराल आणि नशिबाची चांगली साथ मिळेल. आर्थिक स्थिती मजबूत राहील. खाण्यापिण्यावर संयम ठेवा आणि बाहेरचे अन्न शक्यतो टाळा.
कुंभ राशीसाठी समाधानाचा दिवस
कुंभ राशीच्या लोकांसाठी आजचा दिवस शुभलाभाचा असून तुम्ही सद्सद् विवेक बुद्धीने आज जो काही निर्णय घ्याल त्याचा तुम्हाला फायदा होणार आहे. मर्यादित आणि गरजेनुसार खर्च केल्यास तुम्हाला पैशांची कमतरता भासणार नाही. कुटुंबातील सदस्यांकडून तुमचा विश्वासघात होऊ शकतो. वैवाहिक जीवनात सुख मिळणार असून तुम्हाला समाधान मिळणार आहे.सायंकाळपासून रात्रीपर्यंत कदाचीत एखादा प्रवास करावा लागू शकतो पण त्याचा तुम्हाला भविष्यात फायदा होणार आहे.
कुंभ राशीसाठी समाधानाचा दिवस
कुंभ राशीच्या लोकांसाठी आजचा दिवस शुभलाभाचा असून तुम्ही सद्सद् विवेक बुद्धीने आज जो काही निर्णय घ्याल त्याचा तुम्हाला फायदा होणार आहे. मर्यादित आणि गरजेनुसार खर्च केल्यास तुम्हाला पैशांची कमतरता भासणार नाही. कुटुंबातील सदस्यांकडून तुमचा विश्वासघात होऊ शकतो. वैवाहिक जीवनात सुख मिळणार असून तुम्हाला समाधान मिळणार आहे.सायंकाळपासून रात्रीपर्यंत कदाचीत एखादा प्रवास करावा लागू शकतो पण त्याचा तुम्हाला भविष्यात फायदा होणार आहे.
मीन राशीचे मनोबल वाढणार
मीन राशीच्या लोकांसाठी आजचा दिवस समाधानाचा असून तुमच्या रखडलेल्या योजना पूर्ण झाल्यामुळे तुम्हाला पटपट काम करावेसे वाटेल. वाद-विवाद आज मिटणार असून तुमच्या आनंदी व्यक्तिमत्त्वामुळे इतर लोक तुमच्याशी बोलण्याचा प्रयत्न करतील तसेच तुमच्यासोबत सौहार्दपूर्ण राहतील. सामाजिक सन्मान मिळाल्याने तुमचे मनोबल वाढेल.
