राधानगरी प्रतिनिधी विजय बकरे
- राधानगरी फोंडा मार्गावर अज्ञात वाहनाची दुचाकीला पाठी मागून दिलेल्या धडकेत दुचाकीवरील बंडोपंत आनंदा पाटील रा. घोटवडे हे जागीच ठार झालेत, तर त्यांचे भाऊ विश्वास आनंदा पाटील हे गंभीर जखमी झालेत. जखमीवर राधानगरी ग्रामीण रुग्णालयात प्राथमिक उपचार केल्यानंतर पुढील उपचारासाठी कोल्हापूरला पाठवण्यात आलंय. राधानगरी पोलीस स्टेशन नजीक हा अपघात झाला.
घोटवडे येथील बंडोपंत पाटील आणि विश्वास पाटील हे दोघे भाऊ तहसील कार्यालयात कामानिमित्त आले होते. काम उरकून गावी जात असताना कार्यालयापासून दोनशे मीटरवर आल्यानंतर अज्ञात वाहनाने मागून जोराची धडक दिली. यामध्ये बंडोपंत पाटील हे जागीच ठार झालेत. त्यानंतर चालक वाहनासह पसार झाला. अज्ञात वाहनाच्या शोधासाठी मार्गावरील सीसीटीव्ही फुटेज राधानगरी पोलिसांकडून तपासले जात आहे .
